İnternet provoyderlərinin göstədiyi xidmət təyin etdikləri qiymətlərə adekvat deyil.

Qiymət baha, xidmət isə keyfiyyətsizdir. Məhz bu səbəbdən son zamanlar internetlə bağlı narazılıqlar artıb.

Diqqətə çatdıraq ki, bu ilin mayında “Delta Telekom LTD” MMM provayderlərə təmin olunan internetin qiymətində təxminən 70 faizə qədər endirim etməklə bağlı qərar qəbul edib.

Bildirilib ki, bunun məqsədi internet xidmətinin keyfiyyətinin yüksəldilməsi və qiymətlərin hər bir şəxs üçün əlçatan olmasının təmin edilməsidir.

Mayın 10-dan endirim qiymətlərindən istifadə etmək istəyən provayderlər satdığı internetin keyfiyyətinin yüksək səviyyədə olması və son istifadəçiyə qiymətlərdə endirim etməsi öhdəliyini götürməli idi. Ancaq 2 aydan artıq vaxt keçsə də, internet xidmətlərində ciddi ucuzlaşma yoxdur.

Üstəlik şirkətlərin təklif etdiyi qiymətlər arasında da kifayət qədər böyük fərq var.

Məsələn, “Connect” provoyder şirkətinin təklif etdiyi qiymət “Azeurotel”lə müqayisədə 2 dəfə bahadır.

“Connect” şirkəti 10/10 Mbit/san sürətli interneti 20 manata, “Azeurotel” isə 20/20 Mbit/sani internet xidməti 18 manata təklif edi. Üstəlik buna telefon ödənişi də daxil edilib.

Digər təkliflərdə xidmətlər eyni olsa da, qiymət arasında ciddi fərq mövcuddur. Bunu təqdim edilən fotolardan da görmək mümkündür.

İnternetin keyfiyyəti isə demək olar ki, bütün şirkətlərdə eynidir. Hər gün mütəmadi olaraq internet verilişində fasilələr, kəsintilər yaranır, xəbərdarlıq olmadan proflaktik təmir adı altında saatlarla internet verilişi dayandırılır.

İnternet provayderlər müxtəlif bəhanələrlə əvvəlcədən alınan ödənişin müqabilində keyfiyyətsiz xidmət göstərərək əslində istahlakçı hüquqlarını pozur.