Ölkədə bir neçə bankın fəaliyyətini dayandırması fonunda ictimaiyətdə çaşqınlıq yaradıb. Baş verənlər ölkə iqtisadiyyatına təsir edəcəkmi?

Azerinfo.az bildirir ki, Hafta.az-a bu barədə Milli Məclisin İqtisadi siyasət komitəsinin üzvü Vahid Əhmədov danışıb. O bildirib ki, ölkədə bank sektorunda heç bir əsaslı problem yoxdur. Millət vəkilinin sözlərinə görə, vətəndaşların da kreditlərlə bağlı heç bir problemləri yoxdur:

“Mən heç bir ciddi problem görmürəm. Çünki bank sisteminə də Mərkəzi Bank tərəfindən müəyyən yardımlar edilir. Kreditlərin verilməsi və alınmasına gəlincə isə bu barədə də ciddi problemlər yoxdur. Bizim komitəyə məsələ ilə bağlı vətəndaşlar tərəfindən heç bir müraciət edilməyib. Bank sistemi öz fəaliyyətini göstərir. Faizlərin aşağı salınması ilə bağlı da müəyyən işlər aparılmaqdadır”.

Elman Rüstəmovun fəaliyyətinin təsdiqlənməsinə gəlincə isə millət vəkili bildirib:

“Bu təyinat ölkə başçısına aiddir. Hesab edirəm ki, yaxın günlərdə təyinat olacaq”.

Qeyd edək ki, Milli Məclisin 4 aprel tarixində keçiriləcək plenar iclasında "Azərbaycan Respublikası Mərkəzi Bankının İdarə Heyəti üzvlərinin təyin edilməsi haqqında" layihə də müzakirə olunacaq.