Millət vəkili Vahid Əhmədov Quba rayonunda yerləşən ofisində seçiciləri ilə görüş keçirib.
Görüş zamanı görülmüş və gələcək üçün planlaşdırılan işlərdən danışan deputat görüşə gəlmiş sakinlərin çoxsaylı suallarını da cavablandırıb.

Görüşdən sonra qəbula yazılmış 57 seçicil deputat tərəfindən təkbətək qəbul edilib.

Qəbulda qonşu Xaçmaz və Qusar rayonundan olan vətəndaşlar da iştirak edib. Qəbul zamanı sakinlər bank kreditləri, işədüzəlmə, əlilliyin təyin olunması, ev tikintisi üçün torpaq sahələrinin ayrılması, ailə-məişət problemləri və sairə məsələlər ətrafında deputata xahiş və müraciətlər ediblər.

Bütün məsələlər diqqətlə dinlənilib, qeydiyyata alınaraq həlli üçün müvafiq qərarlar qəbul edilib.
"Unibank"la kredit problemləri olan Qubadlı rayonundan olan məcburi köçkün Ə.Əliyev və N.Paşayevanın müraciəti əsasında deputatın operativ müdaxiləsindən sonra uzun müddət öz həllini tapmayan problem həll edilib, kredit borcuna görə senyabrın 25-də mənzilindən çıxarılması barəsində məhkəmə qərarının icrası dayandırılıb, ailəyə böyük sevinc gətirib. Bu problemin həlli ilə bağlı deputatın müraciətinə Maliyyə Bazarlarına Nəzarət Palatasının və onun Direktorlar Şurasının İcraşı direktoru İbrahim Alışovovun xüsusi həssaslıqla yanaşdıqlarını və sonda hər iki tərəfi qane edən qərarın qəbul edilməsini qeyd etmək lazımdır.

Qəbuldan sonra Quba rayon İcra Hakimiyyətində olan millət vəkili İcra başçısı Ziyəddin Əliyevlə görüşərək, rayonda böyük vüsət almış quruculuq və tikinti işləri ilə yaxından tanış olub.

Növbəti qəbul oktyabr ayına planlaşdırılıb.