Standartlaşdırma, Metrologiya və Patent üzrə Dövlət Komitəsinin Gəncə ərazi idarəsi tərəfindən ötən il ərzində standartların tələblərinə, metroloji norma və qaydalara riayət edilməsini yoxlamaq məqsədi ilə ümumilikdə 283 qərar verilib. Yoxlamalar əsasən ərzaq, qeyri-ərzaq və metroloji nəzarətlə əlaqədar aparılıb. Həmçinin 23 orta məktəb bufetində və 14 uşaq bağçasında da dövlət nəzarəti həyata keçirilib. Ötən il aparılan yoxlamalar zamanı ümumilikdə 220 təsərrüfat subyektində standartların, metroloji norma və qaydaların tələblərinin pozulması halı aşkar edilib.196 müəssisə haqqında isə ölçmə vasitələrinin istismarını qadağan edən məhdudlaşdırıcı qərar verilib. Ümumilikdə xəta törədən sahibkarlıq subyektlərinə 19 min 500 manat dəyərində cərimə sanksiyası tətbiq olunaraq, icra olunması üçün məhkəmə orqanlarına göndərilib.

kepeztv.az