"Ötən il lizinq yolu ilə texnika alanların sayı 2013 cü ilə nisbətən 30 faiz artıb. Hazırda isə bu say daha çox artıb". Bu fikri kənd təsərrüfatı nazirinin müavinin Seyfəddin Talıbov Gəncə şəhərində aqrar sahədə istifadə edilən texnikaların fermerlərə təqdimatı mərasimində jurnalistlərə açıqlamasında söyləyib. Tədbir "Aqrolizinq" ASC-nin Gəncə Təchizat Bazasında təşkil edilib. Respublikanın 35 rayonundan olan fermerlərə 100 dən atıq traktor verilib. Bu texnikalar fermerlərə yeni qaydalar və xüsusi güzəştlər əsasında təqdim edilib. Kənd təsərrüfatı texnikası və aqreqatlarının dəyərinin 40 faizi dövlət vəsaiti hesabına, 60 faizi isə lizing şəklində fermerlər tərəfindən ödəniləcək. Təqdim edilən Belarus traktor və aqreqatlar Gəncə Avtomobil Zavodunda istehsal olunur. Nazir müavini çıxış edərək bildirib ki, ölkə rəhbəri respublikada aqrar sahənin inkişafını daim diqqətdə saxlayır və bu sahənin inkişaf etdirilməsi üçün müvafiq tapşırıqlar verilir. Fermerlərə lizinq yolu ilə texnikaların verilməsi prosesinin bundan sonrada davam edəcək.

Nazir müavini kənd təsərrüfatı maşın və avadanlıqlarını alarkən fermerlərin aqrolizinqdən istifadəsində şəffaflığı və obyektivliyi təmin etrmək üçün elektron-uçot sisteminin tətbiq edildiyini xüsusi vurğulayıb. Seyfədin Talıbov həmçinin qeyd edib ki, 100 traktor fermerlərə verildikdən sonra daha 400 dən artıq traktorda ehtiyacı olan təsərrüfat sahiblərinə təqdim ediləcək. Bundan sonra da 300 yaxın fermer növbəyə dayanıb.



Regionsesi.az