Tarif Şurasındən dizellə bağlı gecə AÇIQLAMASI

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Tarif Şurasındən dizellə bağlı gecə AÇIQLAMASI - RƏSMİ!

Iqtisadiyyat

Oxunub: 5 351

17 apr 2018 | 00:32

Azərbaycanda dizelin qiymətinin artacağı gözlənilir

SOCAR dizel yanacağına olan daxili tələbatın artması ilə bağlı yaydığı məlumatdan sonra Azərbaycan sürücülərinin ən çox istifadə etdiyi yanacaq növünün qiymətinin arta biləcəyi barədə fikirlər səslənməyə başlayıb.

TopXeber.az xəbər verir ki, "Neft Araşdırmaları Mərkəzi"nin rəhbəri İlham Şaban BAKU.WS-ə açıqlamasında Azərbaycanda dizelə daxili bazarda tələbatın artmasının obyektiv səbəblərdən qaynaqlandığını bildirib. Belə ki, əvvəllər ölkədəki avtomobillərin işlətdiyi ən populyar yanacaq növü Ai-92 ilə dizel arasında qiymət fərqi 15-20 fərq olurdusa, ötən ilin yayında benzinin qiymət artımından sonra bu fərq 30 qəpiyədək yüksəldi.

Nəticədə fərdi avtomobil sahibləri arasında dizelə maraq artmağa başladı və həmin dövrdən Azərbaycana gətirilən işlənmiş avtomobillər içərisində dizelin xüsusi çəkisi artdı. Beləliklə, İlham Şabanın qənaətinə görə, dizelin qiyməti artacaq.

“2019-cu ilin sonlarına H.Əliyev adına NEZavodunun modernizasiyasının ilkin mərhələsi yekunlaşmalı və yeni dizel qurğusu işə düşməlidor. Bu qurğudan istehsal edilən dizel Avro-5 keyfiyyətində olacaq. Təbii ki, onun qiyməti hazırkı dizellə eyni səviyyədə çətin ki, olsun. Çünki SOCAR böyük kapital qoyuluşu edib və onun geri qaytarılması yanacağın satışı hesabına həyata keçirilməlidir. Bu məntiqlə qiymət artımı olmalıdır.”

İqtisadçı yeni dizel avtomobillərə marağın o qədər də böyük olmamasının səbəbini həmin avtomobillərin benzin analoqlarından daha baha olması ilə bağlayır.

Məsələ ilə bağlı Tarif (qiymət) Şurasına müraciət etdik. Qurumun mətbuat katibi Abbas Əliyevin sorğumuza cavabı belə oldu.

“Bu məsələ ilə bağlı heç bir müraciət olunmayıb. Müzakirə mövzusu deyil.”

Qeyd edək ki, SOCAR-dan "APA-Economics"ə verilən məlumata görə, neft və neft-kimya məhsullarının ixracı yanvar-mart aylarında 413 min ton təşkil edib, əvvəlki ilin analoji göstəricisinə nisbətən cüzi dəyişib.

"Bu da əsasən dizel yanacağına ölkə daxili tələbatın təxminən 21% artması ilə bağlıdır. Daxili bazarda tələbatın artması ilə əlaqədar dizel yanacağının istehsalı ötən ilin müvafiq dövrünə nisbətən 6,4% yüksəlib. Ötən ildə dizel ixracının bu ilə nisbətən daha yüksək olması, həm də 2016-cı ildən anbarlarda qalan dizel məhsulunun bir qisminin məhz 2017-ci ildə ixrac edilməsi ilə bağlıdır", - deyə məlumatda vurğulanıb.