Qərb regionunun heyvandarlıq təsərrüfatlarında yeni, daha məhsuldar inək cinsləri saxlanılır

Qərb regionunun bəzi heyvandarlıq təsərrüfatlarında simental və holistin cinsdən olan inəklər saxlanılır. Bu cinslərin saxlanma şəraitinə və qidalandırılmasına düzgün nəzarət edilsə onlardan yüksək məhsuldarlıq əldə edilə bilər.
Ölkədə heyvandarlıqla məşğul olan fermerlər xaricdən gətrilən cins mal-qaranı güzəştli şərtlərlə lizinq yolu ilə əldə edir. Təsərrüfat sahibinin istəyinə və tələbata uyğun olaraq ətlik və südlük istiqamətli heyvanlar alınır.

Suliddin Abbasov- ADAU-un dosenti: "Artıq qəfəsə sisteminə keçirik və buzovların da bəslənməsini qəfəsə sisitemində aparırıq. Bala 3 günə qədər ananın yanında olur, mayalanır, lakin sonrakı dövrlərdə bala ananı görmür. 3 gündən sonra buzovlar sərbəst olaraq qəfəslərdə saxlanılır və xüsusi olaraq bəslənir".
Holistin cinsindən olan inəklər südlük istiqamətli olduğundan onlardan gün ərzində 30-35 litr süd almaq mümkündür. Bu isə yerli inək sortlarına nisbətən xeyli çoxdur.

Təvəkkül Cəfərov- fermer: "Məhsuldarlığımız çox artıb- ətlik cinslərimiz də var, südlük cinslərimiz də. Ümumiyyətlə heyvandarlığımız çox inkişaf edir".

Artıq 7 ildir maldarlıqla məşğul olan təsərrüfat sahibi də yeni cinslərin yerli cinslərə nisbətən daha məhsuldar olduğunu bildirib.