Yumurta yenə qalxdı, növbə toyuqda

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

İlham Əliyev Qırğızıstan prezidentinə Qarabağ atı hədiyyə etdi - FOTO

Azərbaycan və Qırğızıstan prezidentləri Füzulinin Baş planı ilə tanış olublar - YENİLƏNİB

Azərbaycan və Qırğızıstan prezidentlərinin məhdud tərkibdə görüşü olub - YENİLƏNİB

Yumurta yenə qalxdı, növbə toyuqda

Iqtisadiyyat

Oxunub: 17 845

13 in 2017 | 00:55

Bakıda yumurtanın qiymətində yenidən bahalaşma müşahidə olunur

Hazırda yumurtanın 1 ədədinin satış qiyməti 0.12 AZN təşkil edir.

Bir neçə ay əvvəl yumurta 8 qəpiyə qədər ucuzlaşmışdı. Amma bazarlarda yumurta yenə qalxıb.

Təbii ki, yumurtanın bahalaşması toyuq məhsullarının qiymətinə də təsir edə bilər. Ölkədə durmadan bahalaşma davam edir. Ölkəyə idxal olunan məhsulların qiymətində artım daha fantastik müşahidə olunur.

Mağaza sahiblərinə qeyri-rəsmi tapşırıq gəlib. Onlara göstəriş verilib ki, qiymət artımı sakit və mərhələli şəkildə həyata keçirilsin.

Bununla da əhalidə panika və ajiotaj yaranmasın. Nəticə etibarı ilə istehlakçı hər gün mağazaya daxil olanda yeni tariflərlə qarşılaşır. Ancaq görünür ki, təkcə idxal deyil, yerli məhsullar da artmaqdadır.

Bazarlarda, yarmarkalarda, supermarketlərdə qiymətlər əl yandırır. Aztəminatlı ailələr, məcburi köçkünlər, minlərlə işini itirmiş, az maaşla dolanan, ünvanlı sosial yardım hesabına sürünən ailələr var ki, normal bazarlıq etməyə imkan tapmır.

Ulus.Az-ın İqtisadiyyat Şöbəsinin verdiyi xəbərə görə, imkanlı, vəzifəli adamları bu vəziyyət narahat etmir.

Onlar uşağına, ailəsinə istədiyi naz-neməti almağa gücü çatır. Bizim kimilər isə bir qarın çörəyə möhtacdır. Bir çox ailələrdə kişilər fəhlə işləyib günə 5-10 manat qazanır.

Ölkədə işsizlik baş alıb getdikcə, bahalaşma davam etdikcə aztəminatlı ailələrin, imkansız insanları, təqaüdçülərin, köçkünlərin və şəhid ailələrinin və digər təbəqə insanların iqtisadi vəziyyəti daha da ağırlaşır.

Ekspertlər bildirirdilər ki, iqtisadi gərginlik 2017-ci ildə də davam edəcək. Hətta ola bilsin ki, bu gərginlik daha sərt formada olsun. 2017-ci ildə yüksək inflyasiya ölkənin makro iqtisadi sabitliyinə problem yaradacaq.

Bu, qiymətlərin qalxmasına səbəb olacaq. Həmçinin maaşların qiymət artımına adekvat olmadığı aydın şəkildə hiss olunacaq. Bu da sosial gərginlik yaradacaq və əhalinin sosial vəziyyətinin pisləşməsinə gətirib çıxaracaq.