Hökümətdən əhaliyə bəd xəbər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Hökümətdən əhaliyə bəd xəbər

Iqtisadiyyat

Oxunub: 3 292

25 avq 2016 | 20:49

"Hökumət üzən məzənnədən imtina edəcək" - İqtisadçı ekspert

Azərbaycan Mərkəzi Bankı (AMB) ABŞ dollarının avqustun 26-na rəsmi məzənnəsini 1,6280 AZN/USD səviyyəsində müəyyən edib. Bu, məzənnənin 0,22% artması deməkdir.
Üstəlik, bəzi bankların dolların satışını dayandırması, qara bazarı canlandırıb. Avqustun 25-də dollar qara bazarda 1,70 AZN-ə satılıb.

Qaynarinfo.Az bununla bağlı iqtisadçı ekspert Qadir İbrahimlidən müsahibə alıb. Müsahibəni təqdim edirik.

- Dolların rəsmi məzənnəsi qalxır. Üstəlik, banklar dollar satmaqdan imtina edir və qara bazar canlanır. Səbəb nədir?

- Bunun obyektiv və subyektiv səbəbləri var. Obyektiv səbəbləri ondan ibarətdir ki, Azərbaycanın xarici dövriyyəsində yanvar-iyul aylarının nəticələrinə görə 1 milyard dollarlıq mənfi saldo yaranıb. Bu o deməkdir ki, ölkədən çıxan valyuta ölkəyə daxil olan valyutanı üstələyib. Subyektiv səbəb isə odur ki, müəyyən maliyyə qrupları dollar qıtlığından istifadə edərək, qara bazarı canlandırmaq istəyir. Ona görə süni ajiotaj yaradılır. Bildiyiniz kimi, bir qədər əvvəl Mərkəzi Bankın qərarı ilə valyuta dəyişmə məntəqələri ləğv edildi . Dolların ancaq banklardan satışına icazə verildi. Indi bu daha da məhdudlaşdırılıb, bəzi banklar dollar satmaqdan imtina edirlər və alternativ bazar yaranır. Əslində bu qara bazar da həmin bankların nəzarətində olan bazardır. Ikinci tərəfdən isə ölkənin neft gəlirlərinin kəskin azalması hökuməti məcbur edir ki, daha kəskin devalvasiyaya getsin. Bəzi mənbələrin bildirdiyinə görə, artıq yaxın bir həftəyə növbəti devalvasiyaya hazırlıq görülür . Yaxın günlərdə çox mümkündür ki, bu, elan edilsin. İlk devalvasiyası ərəfəsində də həmin situasiya yaranmışdı. Bu proses hər devalvasiya ərəfəsində baş verir.
- Sizcə, indiki halda hökumət hansı addımları atmalıdır?

- Hökumətin bu dəqiqə konkret addım atmaq fikri yoxdur. Çünki situasiyaya hazır deyil. Hələ ki, Azərbaycanın valyuta bazarında şok terapiyası həyata keçirilir. Bunun da mahiyyəti radikal üsullarla problemin həllinə nail olmaqdır. Təəssüf ki, bu üsullar aztəminatlı əhaliin vəziyyətinin daha da pisləşməsinə, onların daha da yoxsullaşmasına gətirib çıxarır.

- Belə başa düşdük ki, qiymətlər bir də qalxacaq...

- Bəli, əgər kəskin devalvasiya baş versə, hökumət üzən məzənnə siyasətindən imtina etsə, ölkəyə idxal olunan malların qiymətində artım baş verəcək. Bu isə əhalinin güzəranında öz sözünü deyəcək. Yaşayış daha da çətinləşəcək.