“Bütün xalqımızı Zəfər Günü münasibətilə təbrik edirəm".

Manset.az xəbər verir ki, bu sözləri Azərbaycan millisinin üzvü Mahir Emreli DÇ-2022-nin seçmə mərhələsində Lüksemburqla sabah Bakı Olimpiya Stadionunda keçiriləcək oyun öncəsi mətbuat konfransında deyib.

24 yaşlı hücumçu doğma meydanda qələbə qazanmaq istədiklərini bildirib: “Yığmada qol vura bilməməyim məni narahat edir. Amma oyunlar belə gətirir. İnanın ki, hamıdan çox özüm özümdən qol gözləyirəm və ümid edirəm ki, sabah bu tilsimi qıracağam".

Qeyd edək ki, sabah keçiriləcək Azərbaycan - Lüksemburq matçı saat 21:00-da başlayacaq.