İki illik fasilədən sonra ölkə futbolunun elitasına qayıdan �Kəpəz� Premyer Liqaya rəng qatmağa başlayıb. Gəncəlilər ev oyunlarında stadiona topladıqları azarkeş sayında rekordları sıralayır.

Gəncə şəhər stadionunda hələlik sonuncu dəfə çempionatın V turunda son 9 mövsümün yeni rekordu qeydə alınıb. Belə ki, "Kəpəz" - "Qarabağ" qarşılaşmasını 20 000 tamaşaçı izləyib. Bu cür yüksək göstərici isə nəinki mövsümün, hətta son illərin rekordudur. Sonuncu dəfə 20000 və daha çox azarkeş 2006/07 mövsümündə qeydə alınıb. 2007-ci il fevralın 16-da Bakıda keçirilən "Neftçi" və "Xəzər Lənkəran" arasında �Böyük oyun�da Tofiq Bəhramov adına Respublika stadionuna 25000 tamaşaçı toplaşıb. 3138 gün əvvəlki rekord qırılmasa da, ilk dəfə azarkeş sayında 20 minlik sədd fəth olunub. Ümumiyyətlə isə 2004-cü ildən sonra 4-cü dəfədir ki, tamaşaçı sayı 20 000 və ya daha çox olur.

Mehman Allahverdiyev- "Kəpəz"in icraçı direktoru: "Gəncə futbol şəhəridir. Gəncədə həmişə futbolu seviblər. Gəncə futbolla yaşayır. Gəncəyə elə-belə deməyiblər ki, Gəncə kiçik Braziliyadır. Günbəgün azarkeşlərin stadiona daha çox gəlməsi sevindirici haldır".

Qeyd edək ki, mövsümün əvvəlki turlarında qeydə alınan cəmi seyirçi sayı da "Kəpəz" - "Qarabağ" matçından az olub. Çempionatın ilk turunu cəmi 14000, II turu 16300, III turu 13350, IV turu 17400 tamaşaçı izləyıb.

Mehman Allahverdiyev- �Kəpəz�in icraçı direktoru: "Belə dəstək komandada ruh yüksəkliyi yaradır. İnanıram ki, oyunda-oyuna azarkeşlər daha da artacaq. Əvvəllər komanda yaxşı oynayanda stadionda iynə atmağa yer tapılmırdı�.

Xatırladaq ki, bundan öncə �Kəpəz�in cari mövsümdə ilk iki oyununda da rekord müəyyənləşib. Nizami yurdunun təmsilçisinin Gəncədəki 1-ci ev oyununu, II turun �Kəpəz� � �Zirə� görüşünü 12500 tamaşaçı izləyib ki, bu da son 4 mövsüm üçün ən yüksək göstərici olub. 4-cü turda �Kəpəz� � AZAL matçında isə 13200 izləyici qeydə alınıb və bu rəqəm də mövsümün rekordudur. Göründüyü kimi �göy-sarılar� yüksələn templə oyundan-oyuna azarkeş sayını yaxşılaşdırıblar.

kepeztv.az