Çixradze: "Avroliqa üçün mübarizə aparırıqsa..."

Roman Qriqorçuk "Simurq"la oyunla (0:2) bağlı fikirlərini bildirib. ANS PRESS-in məlumatına görə, "Qəbələ"nin baş məşqçisi ardıcıl iki məğlubiyyətin normal olduğunu deyib:
@Bu gün pis oynadıq. Amma qeyd etmək istərdim ki, komandam ikinci dəfə ardıcıl məğlub olur. İkinci hissədə yaxşı oynadıq. Düşünürəm ki, ardıcıl iki oyunda məğlubiyyət normaldı. Bizim hədəflərimiz yüksəkdi. Bu yolda çətinliklərimiz olacaq. Komandam ruhdan düşməməlidi. Alnımız ağ, üzümüz açıq növbəti oyuna hazırlaşmalıyıq@.

Georgi Çixradze də "Qəbələ" ilə oyunla bağlı fikirlərini bildirib. "Simurq"un baş məşqçisi vacib 3 xal qazandıqlarını deyib:

"Biz çox vacib 3 xal qazandıq. Bu oyuna yaxşı hazırlaşmışdıq. Sona qədər mübarizə apardıq. Avroliqa üçün mübarizə aparırıqsa, belə oyunlarda qalib gəlməliyik. İlk hissədə daha yaxşı oynadıq. İkinci hissədə isə eyni zamanda hesabı qorumağa çalışdıq. Bütün hallarda 3 xal qazanmaq sevindiricidi. Bu oyunu unudub, qarşıdakı matçlara hazırlaşmalıyıq".