Azərbaycanın Yay Olimpiya Oyunlarına ev sahibliyi edəcək?

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Azərbaycanın Yay Olimpiya Oyunlarına ev sahibliyi edəcək? - AÇIQLAMA

Idman

Oxunub: 824

17 may 2017 | 13:09

Bu gün "Bakı 2017” IV İslam Həmrəyliyi Oyunları ilə bağlı hesabat xarakterli mətbuat konfransı keçirilib.

Əsas Media Mərkəzində baş tutan tədbirdə gənclər və idman naziri Azad Rəhimov Azərbaycan idmançılarının geridə qalan yarış günləri ərzində yüksək nəticələr əldə etdiklərini bildirib. Onun sözlərinə görə, İslamiadada rəqabət böyükdür: "Bu günə qədər idmançılarımız 81 medal qazanıblar. Onlardan 41-i qızıldır. İndiyə kimi 131 medal dəsti verilib. Yarışlarda iştirak edən 26 ölkənin təmsilçiləri medal qazanıblar. Bu da İslamiadada rəqabətin olmasının göstəricisidir. Hazırda 7 boksçumuz yarımfinaldadır, bu, 7 medal deməkdir. Voleybol və futbol yığmalarımız mübarizəni davam etdirir. Su polosu komandamız 3-cü yer uğrunda oynayacaq. Bu gün bizim üçün sevimli olan güləş yarışları başlayır. Yəni, irəlidə daha çox medal qazanmaq imkanımız var”.

Nazir gələcəkdə Azərbaycanın Yay Olimpiya Oyunlarına ev sahibliyi etmək ehtimalına münasibət bildirib. O, bununla bağlı qərarı Milli Olimpiya Komitəsinin (MOK) verdiyini söyləyib: "Yay Olimpiya Oyunlarının təşkili ilə bağlı qərarı MOK və onun prezidenti formalaşdırır. 2024-cü illə bağlı sifarişin verilməməsi məqsədəuyğun sayıldı. 2028-ci ilə isə hələ çox var”.

Hazırda medal əyarında da Türkiyədən sonra 2-ci pillədə qərarlaşan Azərbaycanın İslamiadanı 1-ci sırada bitirmək şansını dəyərləndirən nazir idmançıların bunu bacaracaq potenisala sahib olduqlarını qeyd edib: "Kompleks yarışlarda gərginlik olur. Ən güclü idmançı uduza, nəticə gözləmədiyimiz isə qalib gələ bilər. Şanslarımız yüksəkdir. 2016-cı il Rio-de-Janeyro Yay Olimpiya Oyunlarında İslam ölkələri arasında birinci olduğumuz kimi, burada da qalib gələ billərik”.

A.Rəhimov İslamiadanın Azərbaycandan kənarda da işıqlandırıldığını vurğulayıb: "Açılış mərasimi və yarışlarla bağlı xəbərlərə xarici mətbuatda rast gəlirik. Məsələn, İtaliya kimi ölkədə də İslamiada haqda müsbət xəbərlər dərc olunur. Oyunların gedişi, idman arenalarındakı ab-hava İslamiadanı yüksək səviyyədə keçirdiyimizi deməyə imkan verir”.

///Report