Bu gün Topaz Premyer Liqasında XXIV tura yekun vurulub. Apasport.az saytının məlumatına görə, turun son oyunu paytaxtda baş tutub.

Birinciliyin aşkar autsayderi olan “Rəvan” “Kəpəz”i qəbul edib. 3 turdu xala, 10 turdu qələbəyə həsrət qalan “sarı-qırmızılar” bu dəfə də sevinə bilməyib. Bəhmən Həsənovun yetirmələri qələbə sevinci yaşamaq üçün ən az bir oyun yenə gözləməli olacaqlar.

Gəncə təmsilçisinin 3 qol vurduğu qarşılaşmada meydan sahiblərinin gücü təsəlli qoluna çatıb. Rahat qələbə qazanan Şahin Diniyevin yetirmələri xalını 36 edərək, turnir cədvəlindəki yerini möhkəmlədib.