Biləsuvarda ikisi azyaşlı uşaq olmaqla bir ailənin 4 üzvünün ölümü, 1 nəfərin isə yaralanması ilə nəticələnən dəhşətli yol qəzası baş verib.

Hadisə ötən gün Ələt-Astara magistral yolunun 115-ci kilometrliyində Biləsuvar rayonunun Aşağı Cürəli kəndi ərazisində qeydə alınıb. Belə ki, rayonun Təzəkənd kənd sakini Mənsur Bayramov idarə etdiyi "Vaz - 21 015" markalı avtomobillə Bakı istqamətində hərəkətdə olarkən əks istiqamətdən gələn Astara rayon sakini Əlvan Şəbiyevin idarə etdiyi “Azpetrol” şirkətinə məxsus "Man" markalı yük maşını ilə toqquşub. Zərbənin gücündən minik avtomobili ciddi zədələnərək dəmir yığınına çevrilib, yanacaqla dolu yük maşını isə yolun kənarına aşıb. Hadisə yerinə yol polisinin əməkdaşları, təcili yardım maşını, Fövqəladə Hallar Nazirliyinin Biləsuvar Yanğından Mühafizə Hissəsinə məxsus yanğınsöndürən avtomobili cəlb edilib. Qəza zamanı "Vaz - 21 015" markalı avtomobildə 1 ailənin 4 üzvü olan rayonun Təzəkənd kənd sakinləri - 29 yaşlı Tərlan Bayramov, onun həyat yoldaşı, 29 yaşlı Günay Əliyeva, övladları, 5 yaşlı Nərmin və 4 yaşlı Səkinə Bayramovalar hadisə yerində keçiniblər. Sürücü isə müxtəlif dərəcəli ağır bədən xəsarətləri ilə Biləsuvar Rayon Mərkəzi Xəstəxanasına çatdırılıb. Vəziyyətinin ağır olduğu bildirilir. Faktla bağlı Baş Dövlət Yol Polisi İdarəsinin istintaq və təhqiqat şöbəsində cinayət işi açılıb, araşdırma aparılır.

http://kepeztv.az