Əfqanıstanda Talibana qarşı başladılan müqavimət hərakatı ilə bağlı yeni xəbərlər yayımlanıb.

NYP xəbər verir ki, Kabildən 160 kilometr uzaqda yerləşən Pəncşir vilayətində koalisiya formalaşır.

Talibanın ələ keçirdiyi Əfqanıstan hökumətinə məxsus müxtəlif növ silahlərın sözügedən əraziyə danışdığı bildirilir. Həmin bölgədən çəkilən son görüntülərə əsasən, legitim hakimiyyətə aid helikopterlər və ağır texnikalı silahlardan Pəncşirin mühafizəsi üçün istifadə olunduğu, o cümlədən Əfqanıstan Təhlükəsizlik Qüvvələrinə məxsus "Humvee" tipli silahlı hərbi ciplərin əyalətdəki stadionun qarşısında toplandığı görülür. Lakin vilayətdəki döyüşçülərin sayının və müqvimətçilərin hərbi gücünü videodan müəyyən etmək olmur.

"Müqavimətin son qalası" olaraq tanınan ərazi 1990-cı illərdə daxili döyüşlər zamanı Talibana qarşı apardığı mübarizəsi ilə yadda qalıb.



Bu məqamda xatırladaq ki, dünən yayımlanan görüntülərdə isə əfsanəvi Əhməd Şah Məsudun oğlu Əhməd Məsud silahlı qrupun müşayiəti ilə Əfqanıstan Hərbi Hava Qüvvələrinin Mi-17 Rusiya istehsalı olan helikopterə mindiyi görünür.



Qeyd edək ki, bundan öncə Məsud taliblərin ölkədəki və xaricdəki düşmənlərini onun yanında, Pəncşirdə toplanmağa və mübarizəyə başlamağa çağırıb.

"Biz tək qalmışıq. Heç vaxt təslim olmayacağıq… Bizim döyüşçülərimiz, gənc və yaşlı mücahidlər Pəncşirdə silahlanırlar. Qəlbən və ya birbaşa yardım etməklə bizə qoşulun … Mən Fransada, Avropada, Amerikada, ərəb dünyasında və digər ölkələrdə olan, keçmişdə Sovetlərə, 20 il əvvəl “Taliban”a qarşı azadlıq mübarizəmizdə yardım edən hər birinizə müraciət edirəm. Azadlığın əziz dostları, bizə yenə kömək edərsizmi?"

Əfsanəvi komandirin oğlunun Əfqanıstan üçün son ümid yeri olduğunu bildirənlər var.