Tacikstan prezidenti İmamali Rəhman kənd təsərrüfatı sahəsində çalışanlara oruc tutmaması ilə bağlı çağırışı ölkəni bir-birinə qatıb.
Reuters xəbər verir ki, Tacikstan prezidenti İmamaili Rəhman kənd təsərrüfatı sahəsində çalışan insanlara oruclarını başqa zamanda tutması ilə bağlı çağırış edib. Prezident açıqlamasında deyib: “Əkin sahələrində çalışan hər bir insan özünün sağlamlığ, ailələri və evlərinin rifahı üçün Ramazan ayının orucunu başqa bir münasib vaxta təxirə salsınlar”.
Qeyd edək ki, 1992-ci ildən Tacikstana rəhbərlik edən İmamali Rəhman bundan öncə də maraqlı qəarraları ilə yadda qalıb. Belə ki, o qadınlara qara geyimləri milli tacik geyimi olmadığını əsas gətirərək qadağan edib və onlara al və qırmızı rəngli paltar geyməyi xüsusi tapşırıq verib. O eyni zamanda kişilərə uzun saqqal saxlamağı qadağan edib. Ancaq uzun saqqal müvafiq dövlət qurumunun icazə verdiyi şəxslər saxlaya bilər.