Kovid-19 xəstəliyinin genetik əsaslarını araşdırmaq üçün Türkiyənin də olduğu 22 ölkənin 35 təşkilatının iştirakı ilə beynəlxalq konsorsium yaradılıb.

Türkiyənin universitet və xəstəxanalarınaməxsus elmi işçilərin və tədqiqatçıların təmsil olunduğu konsorsium Kovid-19-a yoluxma riskini artıran genlərin kəşf etmək məqsədi daşıyır. Konsorsium virusa yoluxmayan şəxslərin də genetik xüsusiyyətlərini araşdıracaq.

Tədqiqat çərçivəsində ABŞ, Avstraliya, Belçika, Böyük Britaniya, Braziliya, Çin, Mərakeş, Finlandiya, Fransa, Hindistan, Hollandiya, İspaniya, İsrail, İsveçrə, İran, İtaliya, Kolumbiya, Meksika, Yaponiya, Səudiyyə Ərəbistanı və Türkiyədən olan 2 min nəfərin genom ardıcıllığı araşdırılacaq.

Konsorsiumun idarə heyətində təmsil olunan Bilkənd Universiteti dekanı Türkiyə Elmlər Akademiyasının üzvü professor doktor Tayfun Özçelik Kovid-19-la bağlı genlərin tədqiqatının çox faydalı olduğunu deyib:

“Xəstəliyin qarşısının alınması və müalicəsində genlərin bizə yol göstərəcəyini yaxşı bilirik. Hansı məlumat ötürmə yolları xəstəliyin təsirinə məruz qalır, mövcud olan dərmanlarla müalicə edə bilərikmi, yeni dərmanlar genlərə təsir etməlimi, bu kimi suallara cavab tapılmalıdır. 50 yaşdan aşağı, hər hansı xroniki xəstəliyi olmayan Kovid-19 xəstələrinin də genom ardıcıllığı araşdırılacaq”. /Avropa.info/