Koronavirus yayıldığı gündən bu virusla bağlı əsassız iddialar dolaşmaqdadır. Bu iddialardan bəziləri 5G sistemi, bəziləri yeni dünya sistemi və mikroçiplərlə bağlıdır. Hətta koronavirusun, ümumiyyətlə, olmadığını belə iddia edənlər var.

Türkiyə mətbuatı xəbər verir ki, bu dəfə isə koronavirusun yayılmasında Microsoft-un qurucusu Bil Qeyts günahlandırılıb.

İddialara görə, o, insanlara mikroçip yerləşdirmək üçün koronavirusu yaradıb. Bu iddia ilə amerikalı siyasətçi və yazar Roger Stone çıxış edib.

“The Answer” ( Cavab ) adlı radio verilişinə qonaq olan Stone aparıcı Joe Piscopo ilə söhbəti əsnasında koronavirusun yayılmasında Bil Qeytsin əli olduğunu söyləyib.

“Bəzi dostlarım bu iddiaların əsassız olduğunu desələr də, bəziləri isə çox məntiqli olduğunu söyləyir. Bil Qeytsin bu virusun yaradılmasında və yayılmasında rolu böyükdür. Bil Qeyts və digər qlobalistlər bu virusla peyvəndləri və mikroçipləri məcburi hala gətirirlər”.

Qeyd edək ki, Microsoftun qurucusu peyvəndin tapılması üçün 45 milyard dollar pul bağışlayıb. /Milli.Az/