Daxili İşlər Nazirliyi Şabranda baş vermiş ağır yol qəzası ilə bağlı məlumat yayıb.

Nazirliyin mətbuat xidmətindən verilən məlumata görə, aprelin 10-da saat 22 radələrində Şabran rayonunun Hacıqaraqaşlı kəndi ərazisində şəhər sakini B.Şahverdiyev idarə etdiyi “KİA” markalı avtomobili yolun kənarındakı kanala aşırıb. Nəticədə avtomobildəki sərnişinlər – rayon sakinləri Vüsal Zəkiyev, Elnur Babayev və onun qardaşı Cəlal hadisə yerində ölüb, sürücü və digər 2 sərnişini xəstəxanaya yerləşdiriliblər.

Şabran RPŞ tərəfindən araşdırma aparılır.

Qeyd edək ki, qəza törədən avtomobilin sürücüsü Bəxtiyar Xanoğlan oğlu Şahverdiyev Şabran Rayon İcra Hakimiyyətinin keçmiş başçısı Sündüz Babayevanın bacısı oğludur. Bu törətdiyi hadisə Bəxtiyar Şahverdiyevin sayca dördüncü ağır yol-nəqliyyat hadisəsidir.

Məlumata görə, qəzaya uğrayan şəxslər sərxoş vəziyyətdə olublar. (publika.az)