Keçən gün ''BuzzFeed'' üzvlərindən başlarına gələn ən qorxunc, ən qəribə hadisələr haqqında soruşulub.
''Ölkə.Az'' insanların başına gələn qorxunc hadisələrin siyahısını təqdim edirik.

Evdə tək yaşayan gənc qız gecə yuxu sərsəmliyi ilə mətbəxə gedərkən dəhlizdə ağ libaslı qadınla toqquşub. Hadisəyə yuxulu olduğu üçün əhəmiyyət verməyən gənc qızı daha sonra sevgilisi həyətdə gözləyərkən ona deyib ki, ''Məni niyə pəncərə önündə ağ libasda gözləyirdin?'' Qız isə cavabında onu pəncərədə gözləmədiyini, otağında olduğunu deyib.

Bacısının uşağına bir günlüyə baxmağa gedən gənc qadın televozorun qarşısında yuxuya gedib. Televizorun sönülü olmasına baxmayaraq ekran bir anlıq işıqlanıb və uşaq televizoru söndürüb. Xalası uşaqdan televizorun işə düşmə səbəbini soruşduqda o cavabında bu hadisənin hər gün təkrarlandığını deyib.

Evli cütlük gecə yarısı divardan düşən şəkil çərçivəsinin səsinə oyanıblar. Oyanan qadın həyat yoldaşına yuxuda onu bıçaqladıqlarını gördüyünü deyib. Həyat yoldaşı dəhşətə gələrək onun da eyni yuxunu gördüyünü bildirib. Daha sonra evin aşağı mərtəbəsindən gənc qadının anasının qışqırıq səsləri eşidilib. Maraqlısı odur ki, cütlük Amerikada qadının anası isə İngiltərədə yaşayırdı. Evdə isə ər-arvaddan başqa heç kəs olmayıb.

Yeniyetmə oğlan 6 yaşlı bacısı ilə eyni otaqda qalıblar. Bacısının ''Mcdonalds''a məxsus ''Xoş gəlmisiniz, zəhmət olmasa sifarişinizi verin'' deyən oyuncağı var imiş. Oğlan günlərin birində oyuncağı atmaq qərarına gəlib. Lakin həmin gün gecə yarısı fısıltı ilə danışan bir səs onun qulağına ''Buyurun sifarişiniz hazırdır'' sözlərini deyib.

Yeni evə köçən bir kişi gecə televizora baxarkən kiminsə ona yaxınlaşdığını görüb. Əvvəlcə gördüklərini qarabasma zənn etsə də ona baxan insanın üzü qanlar içindəymiş və ona toxunduqdan sonra ayaq yoluna tərəf qaçamağa başlayıb. Qəribə varlığın arxasınca ayaqyoluna gedən kişi orada heç kimi tapa bilməyib. Lakin ayaqyolunun divarında dəliş var imiş. Səhərisi gün həmin dəliyin səbəbini ev sahibindən soruşan kirayənişin öyrənib ki, daha əvvəl burada yaşayan sakin ayaqyolunda başına güllə ilə vuraraq intihar edib.