21 yaşlı Aydan (ad şərtidir) əri və anası tərəfindən cinsi zorakılığa məruz qalıb.
Çıxılmaz vəziyyətdə qalan gənc qız acı taleyini BAKU.WS-ə danışıb.

Onun həyatı hələ yeniyetmə çağında məhv olub. 17 yaşı tamam olmadan təhsilini, bakirəliyini və ən əsası insanlara inamını itirib.

Atasının üzünü görməyib. Hələ körpəykən atası onları atıb. Yüngül həyat tərzi keçirən anasının səhvləri üzündən onun da həyatı məhv olub.
Anası ondan canını qurtarmaq üçün 16 yaşında nişanlayıb, 17 yaşına çatmadan ərə verilib. Əvvəlcə əri, sonra isə anası tərəfindən kişilərə satılıb.

Yaşadığı həyatın uçurum olduğunu görən və anasının onun üçün seçdiyi yolu bəyənməyən Aydan pulla görüşdüyü kişilərdən birinin köməyilə şirkətlərin birində işə düzəlib. Həyatını təmiz səhifədən başlamaq istəsə də, çirkli keçmişi üzündən bunu edə bilmir...