"Xəzər" televiziyasında yayımlanan "Səni axtarıram" verilişinin dünənki buraxılışı gərgin anlarla yadda qalıb.
Ağdam rayon sakini olan Xəyalə adlı qadın dörd il öncə yeddi yaşlı yeganə övladını mənzil müqabilində xalasına övladlığa verib. Amma ona verilən sözə əməl edilmədiyini görüncə oğlunu xalasından geri istəyib. On bir yaşlı oğlan isə anasından imtina edib. Xəyalə verilişdə daha bir şok açıqlama verib. Qadının sözlərinə görə, xalası onu öz ərinə almaq istəyir. Xala isə bildirib ki, uşağı yalnız məhkəmə yolu ilə anasına qaytarmağa razıdır:
"Mən neçə illərdir o uşağa baxıram, müəllimlər tutmuşam, məktəbdə əlaçıdır. İndi bacım qızı dörd ildən sonra uşağı geri istəyir. Onu mənim əlimdən ancaq məhkəmə ala bilər".