ABŞ alimləri Robin Kenap və Culyen Selmon Mars peykləri Fobos və Deymosun yaranması barədə açıqlama veriblər.
“Ölkə.Az” xəbər verir ki, alimlər Marsın Vesta və ya Serera ölçüdə səma cismi ilə toqquşması nəticəsində peyklərin yarandığını deyiblər.

Uzun müddətdir ki, alimlər arasında Qırmızı planetin Ayının yaranması barədə mübahisələr gedir. Üç versiya səslənir:
Birinci versiyaya əsasən, Fobos və Deymos tozdan yarana bilər. İkinci versiyaya görə, Marsın cazibə qüvvəsi tərəfindən saxlanılan asteroidlərdir.
Üçüncüyə əsasən isə, digər səma cismi ilə toqquşma nəticəsində yaranıb.

Bununla yanaşı, Fobos və Deymos planetin səthinə çox yaxın məsafədə yerləşirlər. Bu fakt isə üçüncü versiyanı daha da gücləndirir. Qeyd etmək lazımdır ki, Ay da nə vaxtsa bu teoriyaya əsasən yaranıb.