Lənkəran şəhərində bir nəfərin ölümü, iki nəfərin ağır xəsarət alması ilə nəticələnən yol qəzası baş verib. Lənkəran Rayon Polis Şöbəsindən "Report"a verilən məlumata görə, hadisə rayonun Şıxəkəran kəndində qeydə alınıb.

Masallı rayonu Mololan kənd sakini 26 yaşlı Saleh Rzayev idarə etdiyi "VAZ 2107" markalı maşınla bir ailənin üç üzvünü - 39 yaşlı Oruc Rəhimov, həyat yoldaşı 38 yaşlı Elnarə Rəhimova və qızı 8 yaşlı Tünzalə Rəhimovanı vurub. Nəticədə 8 yaşlı uşaq aldığı xəsarətdən hadisə yerindəcə keçinib. Digər iki yaralı isə ağır vəziyyətdə Lənkəran rayon Mərkəzi Xəstəxanasına çatdırılıb. Qəzanı törədən sürücü saxlanılıb.

Faktla bağlı cinayət işi açılıb, araşdırma aparılır.