Ötən gecə paytaxt Bakıda bir neçə yol nəqliyyat hadisəsi baş verib. Qəzalar nəticəsində 1 nəfər xəsarət alıb.

Gecə təxminən 01:00 radələrində Bakının Nəsimi rayonu ərazisində zəncivari yol- nəqliyyat hadisəsi baş verib. Hadisə Mirəli Qaşqay və Mirəli Rəfiyev küçələrini kəsişməsində qeydə alınıb. "Ford" markalı avtomobil öncə "Qeydfol" markalı nəqliyyat vasitəsinə toqquşub. Daha sonra yol kənarında dayanan Hunday markalı maşına çırpılıb. Qəza nəticəsində "Qeydfol"un sürücüsü xəsarət alıb. Zərərçəkmişə öncə hadisə yerinə gələn təcili tibbi yardım maşınının həkimləri yardım göstərib. "Hyundai" markalı avtomobilin sürücü Elşən Məmmədovun sözlərinə görə, qəzanı törədən "Ford"un sürücüsü hadisə yerindən qaçıb.
Hadisə yerinə gələn Dövlət Yol Polisi Nəsimi rayon əməkdaşları qaçan sürücünün axtarışlarına başlayıblar. Faktla bağlı araşdırma aparılır. Geridə qoyduğumuz gecə paytaxtın Xətai rayon ərazisində isə qəribə yol qəzası baş verib. Babək prospektində qeydə alınan qəzada sürücü öz maşınını yandırıb. Belə ki, adıçəkilən prospektlə hərəkət edən "Chevrolet"lə "Mercedes" markalı nəqliyyat vasitəsi toqquşub. Hələlik kimliyi müəyyən olunmayan "Chevrolet"in sürücüsü qəzadan sonra avtomobildəki ehtiyat yanacağı maşının üzərinə tökərək od vurub. Hadisə yerinə FHN-nin Dövlət Yanğından Mühafizə İdarəsinin Xətai rayon şöbəsinin canlı qüvvəsi və texnikası cəlb olunub.Yanan maşın tez bir zamanda söndürülüb.
Əraziyə gələn polis əməkdaşları maşınına od vurub hadisə yerindən qaçmaq istəyən sürücünü saxlayıblar. O ifadəsinin alınması üçün Xətai rayon Polis İdarəsinə aparılıb. Faktla bağlı araşdırma aparılır.

kepeztv.az