Afrində ələ keçirilən 15 məktubda terror yuvası Qəndildən gələn təlimatlar ortaya çıxıb. Qadın terrorçulara “ələ keçsəniz intihar edin” təlimatının verildiyi təsdiq olunub

Afrində terror təşkilatına aid rəqəmsal və yazılı sənədlər ələ keçirilən bir evin zirzəmisində PYD və təşkilatın qadın qolu YPJ-nin rəhbərliyindəki şəxslərə göndərilmiş 15 məktub ortalığaçıxıb. Qəndildən ən son 15 dekabr 2017-ci ildə YPJ-yə başçılıq edən Nəsr Abdullaya ünvanlanan məktubdakı ifadələrə görə, təşkilat başçılarına "Türk əsgəri Afrinə gələndə bir qadın olaraq Avropada partiya dərnəklərimizin təşkil etdiyi toplantı və nümayişlərdə Türk əsgərinin mülki qətliam etdiyini izah edin" təlimatı verilərək, "nəzarətimizdə olan media orqanlarından vətəndaş qırğını, uşaq ölümləri kimi, Türk əsgərini günahlandıran nəşrlər üçün hazırlıqlarımız başa çatmışdır" deyilib.

ƏLƏ KEÇDİYİNİZDƏ İNTİHAR EDİN

Ələ keçən sənədlər arasında PKK-nın yüksək səviyyəli rəhbərlərindən Murad Qarayılanın YPG-li terrorçulara yönəlik təlimatları da yer alıb. Qarayılanın terrorçulara "Ələ keçdiyinizdə və tutulacağınızı anlayanda intihar edin" təlimatı verdiyi ortaya çıxıb. Bundan başqa, PKK-nın rəhbərlərindən olan Murad Karayılan və Cəmil Bayıkın imzaları ilə yazılmış məktubun fotosurətləri də tapılıb. Qəndildəki Qarayılan, Bayık və Duran Kalkanın 2013-dən bu yana YPG-nin başındakı Saleh Müslüm və YPJ-nin başındakı şəxslərə göndərdikləri məktublarda bəzi göstərişlər verdiyi müəyyənləşdirilib.

32 AD ALTINDA TƏŞKİLATLANMIŞ

Zirzəmidə tapılmış bir başqa sənəddə yer alan məlumatlara görə, terror təşkilatı PKK-nın, 32 ad altında təşkilatlandığı görünür.