Tanınmış xanəndə, əməkdar artist Sevinc Sarıyevanın yaxını bıçaqlanıb.
Mİlli.Az xəbər verir ki, müğənni özü bu haqda məlumat verib: "Hadisə iki gün əvvəl Beyləqanda Xocavənd ərazisində baş verib. Bıçaqlanan qardaşımın oğludur. Belə ki, ixtisasca polis olan qardaşımın oğlu xidməti vəzifəsini yerinə yetirərkən bıçaqlanıb. Hal-hazırda qardaşım oğlunun səhhəti normaldır. Bir neçə gün olar ki, mən də rayondayam. Məsələni diqqətdə saxlayıb, bizə köməklik etdiyinə görə Beyləqan rayon icra hakimiyyətinin başçısı Vaqif Abdullayevə təşəkkür edirəm”.