İmişli rayonu ərazisində ölümlə nəticələnən yol qəzası baş verib. Hadisə ötən gün saat 22:00 radələrində Heydər Əliyev prospektində qeydə alınıb. Sabirabad rayon sakini Zahid Atakişiyevin sükan araxsında olduğu "Mercedes" markalı avtomobillə eyni istiqamətdə hərəkətdə olan İmişli sakini Adil Qasımovun idarə etdiyi "Motosiklet" toqquşub. Qəza zamanı xəsarət alan "Motosiklet"in sürücüsü İmişli Rayon Mərkəzi Xəstəxanasına yerləşdirilib. Ona ilkin tibbi yardım göstərildikdən sonra vəziyyəti ağır olduğu üçün Bakı şəhərinə yola salınıb, lakin o, yolda dünyasını dəyişib.
Bərdə rayonunun Mehdili kəndində də ölümlə nəticələnən yol qəzası baş verib. Hacıbəyli kənd sakini, 44 yaşlı Azər Məmmədovun idarə etdiyi "VAZ 2106" markalı minik maşını, Bərdə rayon Şirvanlı kənd sakini Fəxri Əliyevin idarə etdiyi "Ford" markalı avtomobillə toqquşub. Nəticədə Azər Məmmədovun sərnişinləri 70 yaşlı Aslan Məmmədov, 13 yaşlı Fuad Məmmədov və Hicran Məmmədova müxtəlif dərəcəli bədən xəsarətləri alıblar. Xəsarət alanlar Bərdə Mərkəzi Rayon Xəstəxanasına yerləşdiriliblər. Həkimlərin səyinə baxmayaraq, Aslan Məmmədovu xilas etmək mümkün olmayıb.

Hər iki faktla bağlı Bərdə Rayon polis Şöbəsində araşdırma aparılır.

kepeztv.az