Elmlər Akademiyası metro-stansiyasında yaşanan sıxlıq vətəndaşlardan bəzilərinə pis təsir edib.

Azerinfo.az Axar.az-a istinadən xəbər verir ki, bu barədə Feysbuk sosial şəbəkəsində istifadəçilərdən biri yazıb:

“Qatar 10 dəqiqə tuneldə qalıb, bu da sərnişlər arasında qarışıqlığa səbəb olub. Elmlər Akademiyası metro-stansiyasının qarşısına 1 dəqiqədə 2 təcili yardım maşını gəldi. Sıxlığa görə, ürəyi gedənlər var”.

Məsələni diqqətdə saxlayacağıq.

09:40

“Bu səhər 08:26-da Həzi Aslanov-Dərnəgül istiqamətində hərəkət edən 38 saylı qatarda Nizami və Elmlər Akademiyası stansiyası arasında nasazlıq baş verib. Qatar təxminən 10 dəqiqə gecikib”.

Bu barədə məlumatı Axar.az-a Bakı Metropoliteni QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayev verib.

O, gecikmə zamanı hər hansı xoşagəlməz hadisənin yaşanmadığını bildirib: “Sərnişinlər "Nizami" stansiyasında düşürülüb və qatar depoya göndərilib. İnterval pozulduğundan digər qatarlarda da gecikmə yaranıb. Artıq xəttə əlavə qatar buraxılıb və yaxın vaxtlarda interval bərpa olunacaq. Ancaq hər hansı xoşagəlməz hal qeydə alınmayıb”.