Yasamalda sərxoş sürücü qəza törətdi:
Bakının Yasamal rayonunda sərxoş sürücü qəza törədib.

Azerinfo.az “Report"-a istinadən yaydığı xəbərə görə, yol-nəqliyyat hadisəsi Şərifzadə-2 ünvanında baş verib. Sürücüsü məlum olmayan “Mercedes” markalı nəqliyyat vasitəsi əks istiqamətdə hərəkətdə olan “Opel” markalı avtomaşını vuraraq hadisə yerindən qaçıb. Baş verən qəzadan sonra hadisə yerinə gələn bir qrup şəxslə zərərçəkmiş sürücü arasında dava olub. Qəzanın baş verdiyi əraziyə Yasamal Rayonu Polis İdarəsinin və yol polisinin əməkdaşları gəliblər. Onlar dava edən şəxsləri polis idarəsinə aparıblar. Hadisə şahidlərinin sözlərinə görə, qəzanı törədərək hadisə yerindən qaçan sürücü içkili olub.

Hazırda polislər qəzaya səbəb olan sürücünün saxlanılması istiqamətində araşdırmaları davam etdirirlər.