Lotu Quli beynəlxalq axtarışa verildi — Moskva məhkəməsindən həbs qərarı

Prezidentlərin iştirakı ilə açılış mərasimi keçirilir - FOTOLAR - YENİLƏNİB

Lukaşenkodan Şuşada traktor hədiyyəsi - FOTOLAR

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Lotu Quli beynəlxalq axtarışa verildi — Moskva məhkəməsindən həbs qərarı

Hadise

Oxunub: 514

19 dek 2017 | 10:18

Lotu Quli kimi tanınan Nadir Səlifov hazırda Türkiyədədir.
"Ölkə.Az" xəbər verir ki, Moskva məhkəməsi Nadir Səlifov haqqında qiyabi həbs qərarı çıxarıb.

Moskvanın Presnensk məhkəməsi ən nüfuzlu qanuni oğrulardan biri Nadir Səlifov haqqında həbs qərarı çıxarıb. Lotu Quli beynəlxalq axtarışa verilib.

"Rosbalt" agentliyinə Rusiya hüquq-mühafizə orqanlarından verilən məlumata əsasən, Moskva məhkəməsi bir sıra cinayət ittihamları ilə belə bir qərar qəbul edib. Bu ittihamlar Azərbaycan əsilli iş adamlarının oğurlanması, onlardan pul alınması ilə bağlıdır.

2017-ci ilin yay aylarında istintaq çərçivəsində bir neçə nəfər saxlanıldı və Səlifova çox yaxın olan Rəşad Gəncinskiyə qarşı bir sıra suallar meydana çıxdı. O dövrdən etibarən Rəşad Rusiyaya getmir. Moskva məhkəməsi materialları birləşdirdikdən sonra cinayət işinin əsas fiqurantı Lotu Quli oldu. İstintaqın versiyasına əsasən, uzun müddət Azərbaycan həbsxanasında cəza çəkən Lotu Quli Moskvadakı adamların oğurlanması və onlardan pul alınması barədə tapşırıqlar verib. Bu səbəbdən Səlifova qarşı Rusiya CM-nin 126 və 163-cü maddələri ilə cinayət işi qaldırılıb. Bundan əlavə 210-cu maddə ilə də cinayət işi açıla bilər (cinayət qruplaşması qurmaq).

İstintaq Presnensk məhkəməsində Səlifovun qiyabi həbsi ilə bağlı iddia qaldırıb və iddia təmin edilib. Lotu Quli beynəlxalq axtarışa verildi.

Lotu Qulinin kriminal aləmdə aktivliyi hüquq-mühafizə orqanlarının marağına səbəb olub. 2017-ci ilin oktyabr ayında həbsdən buraxılan Səlifov Türkiyəyə gedib. Burada isə öz klanını yaratmağa başlayıb. Onun klanında bir sıra qanuni oğrular birləşir: "Rəşad İsmayılov, Aleksandr Kuşnerov, Merab Pipiya, Merabi Mzarelua, Roland Qeqeçkori. Quli Gela Kardava ilə də yaxın əlaqə qurub. Gelanın qanuni oğru titulu bir müddət əvvəl Şakro Molodoy tərəfindən əlindən alınmışdı.
Hazırda Quli özünü əsas qanuni oğru kimi aparır. Hər gün Rusiyadan onun yanına gələnlər olur. Quli gələnləri müxtəlif regionlara "obşak" və "vəziyyətə baxan" təyin edir, bəzilərini tezliklə oğru tacı ilə mükafatlandıracağını bildirir. Quli hər gün Rusiyadakı adamlarına zəng edir, müəyyən tapşırıqlar verir.

Son dövrlər Qulinin adamları Piterdə, Uralın şəhərlərində, Samara və Saratov vilayətlərində peyda olurlar. Digər nüfuzlu qanuni oğrular "kölgə"də qalmağa üstünlük verirlərsə, Quli aktiv fəaliyyətə keçib. Bir çox mafiozlar onunla görüşə can atır. Səlifov tezliklə Rusiyaya gedəcəyini bildirib. Çünki 1 nömrəli qanuni oğru şübhəsiz ki, Rusiyada olmalıdır. Amma hazırda Quli belə imkandan məhrum edildi.

Hüquq-mühafizə orqanlarının xəbərinə əsasən, Səlifovun aktivliyi kommersiya obyektlərində də üzə çıxıb. Bu obyektlərə kriminal aləmin digər nümayəndələri də maraq göstərir. İlk növbədə Qulinin marağı mərhum qanuni oğru Rövşən Canıyevin nəzarəti altında olan obyektlərdir. Rövşən Türkiyədə qətlə yetirilib və bu işdə sifarişçilərdən birinin Quli olduğu deyilir. Rövşənin yerinə qohumu Zaur Əhmədov keçib. Amma onun mövqeləri zəifləyib.

Sankt-Peterburqda Zaurun qardaşı Emin, Türkiyədə isə Rövşənin qardaşı saxlanılıb. Rövşənin qardaşı Qulinin evinə basqın hazırlayanda Türkiyə hüquq-mühafizə orqanları tərəfindən saxlanılıb.

Qulinin Türkiyədə həbsi və Rusiyaya ekstradisiya olunması məsələsi də müzakirə edilir. Türkiyə hüquq-mühafizə orqanları Rusiya hüquq-mühafizə orqanları ilə demək olar ki, əməkdaşlıq etmirlər. Burada isə söhbət böyük pulları və əlaqələri olan adamdan gedir...