Gəncə şəhərində məktəbli intihara cəhd edib.

Azerinfo.az-ın verdiyi məlumata görə, hadisə şəhərin Əhməd Cəmil küçəsində, Gəncə çayının sağ sahilində baş verib. Orta məktəbin 10-cu sinif şagirdi A. Əliyeva çayın sahilində olan bəndin üstünə çıxaraq özünü aşağı atıb. Hadisə şahidlərinin köməyiylə məktəbli dərhal xəstəxanaya çatdırılıb. Onun vəziyyətinin normal olduğu bildirilir.

Araşdırma zamanı məlum olub ki, A. Əliyeva 8 il bədii gimnastika ilə məşğul olub. Ötən il idman zamanı ayağından və onurğasından xəsarət aldığından bir daha idmanla məşğul ola bilməyəcəyini, ömrü boyu bu vəziyyətdə qalacağını düşünərək intihara cəhd edib.
Faktla bağlı Gəncə şəhər Prokurorluğunda araşdırma aparılır.