Cəlilabad rayonunun Xəlilli kəndində 69 yaşlı Yavər Hüseynova məxsus fərdi yaşayış evində yanğın baş verib. İki mərtəbəli, 6 otaq və bir eyvandan ibarət evdə başlayan yanğın tez bir zamanda bütün otaqları bürüyüb. Yanğın zamanı evdə heç kim olmayıb. Hadisədən ilk xəbər tutan isə qonşular olub. Hadisə yerinə Cəlilabad yanğından mühafizə hissəsinin 2 texnikası və canlı qüvvəsi çağırılıb. Yanğınsöndürənlərin müdaxiləsindən sonra alov ram edilib. Lakin ümumi sahəsi 256 kv metr olan evin 160 kv metri tamamilə yanıb. Yanğın zamanı ev sahibinə məxsus xeyli qızıl- zinət əşyaları, pul eləcə də evdə olan 3 ailənin mebeli tamamilə yanararaq külə dönüb. İlkin ehtimallara görə, yanğın elektrik naqillərində baş verən qısaqapanmadan qaynaqlanıb. Faktla bağlı araşdırma aparılır.

kepeztv/az