Azərbaycanda biznesmen arvadı ölməmək üçün falçıya 20 min verib

İlham Əliyev və Mehriban Əliyeva Həzi Aslanovun məzarını ziyarət ediblər

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycanda biznesmen arvadı ölməmək üçün falçıya 20 min verib

Hadise

Oxunub: 560

15 sen 2017 | 12:48

İş adamı Barat Abdullayevin məhkəməyə verdiyi arvadı Təyminə Abdullayevaya qarşı dələduzluq edən şəxs hakim qarşısına çıxarılıb.

Musavat.com xəbər verir ki, Bakı Ağır Cinayətlər Məhkəməsində dələduzluqda təqsirləndirilən Səkinə İsmayılovanın cinayət işi üzrə növbəti məhkəmə prosesi keçirilib.

Hakim Zeynal Ağayevin sədrliyi ilə keçirilən prosesdə şahidlər ifadə verib.

Şahid Vəlican Rəcəbov ifadəsində deyib ki, Səkinə İsmayılovanı ekstrasens kimi tanıyıb. Səkinə İsmayılovanın Şəlalə adlı rəfiqəsini də tanıdığını deyən şahid bunları söyləyib: "Mən nişanlımla ayrılmışdım. Şəlalə ilə Səkinə məni aldadıb nişanlımla barışdıracağımı dedilər. Buna görə 1500 manat pul vermişəm".

Şahid onu da bildirib ki, astma xəstəliyindən əziyyət çəkir. O, xəstəliyinin müalicəsi üçün də Səkinə İsmayılovaya müraciət etdiyini deyib: "Şam yandırırdı, guya müalicəni belə edirdi. Amma sonradan bildim ki, məni aldadırlar".

Şahid Təyminə Abdullayevanın Səkinə İsmayılova tərəfindən aldadılaraq pulunun alınmasına da münasibət bildirib. O, suallara cavabında deyib ki, bildiyi qədəri ilə S.İsmayılova T.Avdullayevadan 10 min dollar alıb.

Digər şahid isə Rəna Abdullayeva olub.

O, bu işdə zərərçəkmiş kimi tanınan Təyminə Abdullayevanın bacısıdır.

Şahid sərbəst ifadəsində bunları danışıb:

"Bacım zəng elədi, dedi ki, Səkinənin yanına gedib. Baxıcı Səkinə də deyib ki, hamınıza cadu ediblər, öləcəksiniz. Bacım da buna inanıb. Bacım uşağı da götürüb bunun yanına aparıb. Şam yandırırdı, üstlərinə əl çəkirdi. Alma, qırmızı şam yandırıb başına fırladırdı. Yumurtanı oxuyub başına fırladırdı.

Bacım Təyminəni necə hipnoz etmişdisə inanmışdı. Səkinənin evi bütün qara oboy idi. Evində yarasa da saxlayırdı. Bacımı yerdə ağ kəfənin içinə uzatdı. Sonra kəfənə bükdü, üstünə də bacımın şəkillərini qoydu. Dedi ki, bununla da ölümü sizin bədəninizdən çıxardı. 20 min dollar istəmişdi. Amma Səkinə deyirdi ki, bu pul azıdr. Əlavə olaraq da qızıl istəmişdi. Bacım da buna inandı, hər şeyini verdi buna. Qızılları satdı, bankdan pul götürdü. Adam dəhşətə gəlir, belə şeymi olar. Bizim nəsildə, kökdə heç kimin polislə, məhkəmə ilə, belə falçılarla işi olmazdı. Necə oldu, bu iş başımıza gəldi, bilmirəm".

Rəna Abdullayeva özünün də falçı Səkinəyə inanmasının səbəbini belə izah edib: "Bacımın oğlu 13 il sonra olmuşdu. Uzun müddət xəstəxanada yatıb. Elə mən də qorxub, ehtiyat etdim. Dedim tək uşaqdı, birdən nəsə olar. Yoxsa mən belə şeylərə inanan deyiləm".

Məhkəmənin növbəti iclası sentyabrın 22-nə tətin edilib.

Təyminə Abdullayevaya barəsində əri Barat Abdullayevin şikayəti əsasında cinayət işi açılıb.

Barat Abdullayev şikayətində bildirib ki, arvadı birgə nikahdan olan yaşayış sahəsini satıb pulunu ələ keçirmək istəyib. Bu məqsədlə yeni şəxsiyyət vəsiqəsini saxtalaşdırıb. Yeni şəxsiyyət vəsiqəsində ailəli yox, subay olduğunu yazdırıb. Həmin sənəddən istifadə edərək qeyd edilən mənzili 250 min manata özgəninkiləşdirək, ona 890 min manat məbləğində ziyan vurub.

Barat Abdullayev şəxsi bizneslə məşğuldur. Onun Bakıda otelinin, ticarət obyektlərinin olduğu bildirilir. Barat Abdullayev həyat yoldaşından boşanmaq üçün məhkəməyə müraciət edib.

Təyminə Abdullayeva ərinin dedikəri ilə razılaşmayaraq söyləyib ki, pullarını Səkinə İsmayılova adlı falçı ələ keçirib. S.İsmayılova ondan fala baxmaq adı ilə əvvəlcə 20 min, sonra isə 10 min manat alıb. Daha sonra onun evini banka girov qoyaraq pul götürüblər. T.Abdullayeva iddia edir ki, falçı Səkinə onun pullarını və əmlakını ələ keçirib.

Təyminə Abdullayevanın cinayət işi üzrə məhkəmə prosesi Bakı Ağır Cinayətlər Məhkəməsində davam edir. Prokuror T.Abdullyevanın 9 il müddətinə azadlıqdan məhrum edilməsini istəyib.

T.Abdullayevanın işi davam edən ərəfədə Səkinə İsmayılova da həbs edilib.[center][/center]