500 manata işləyən xalq artisti, 1000 manata "yox" deyən Pərvin, Şahinin Səbinəsi, hüquqşünas Röya

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

500 manata işləyən xalq artisti, 1000 manata "yox" deyən Pərvin, Şahinin Səbinəsi, hüquqşünas Röya - HƏFTƏBECƏR

Hadise

Oxunub: 594

21 avq 2017 | 10:22

Milli.Az jurnalist İntiqam Valehoğlunun müəllif layihəsi olan "Həftəbecər"i (137-ci say) təqdim edir.

Deyəsən ötən həftə şərhlərin əsas müzakirə mövzusu yeni fotom olub. Etiraf edim ki, yazılan şərhlər "Həftəbecər"dən də maraqlı idi. Sizi təriflədim, indi də keçək mövzulara...

Akademik Milli Dram Teatrında ən yüksək maaş səhv etmirəmsə, 500 manatdır. Yəni, bu pula ömrünün 30-40 ilini sənətə həsr etmiş sənətkarlar bir ay ərzində çalışırlar. Məşqlər, tamaşalar, öz təbirlərincə desək, səhnənin tozu və sair. Amma bildiyim qədərilə ixtisasca iqtisadçı olan həvəskar aktrisa Pərvin Abiyeva min manata seriallara çəkilməkdən imtina edir:

"Ay ərzində gecə-gündüz işlədib 1000 manat vermək istəyirlər. Bu iş müqabilində nəinki 1000 manat, 3000 manat da vermək azdır. Mənə baxın, görün heç 1000 manata iş görənə oxşayıram? Buna görə də seriallara çəkilmək istəmirəm. Ay ərzində hər gün əziyyət çəkirəm, çəkilişlər məni yorur. Bu iş qarşılığında təklif olunan məvacib isə olduqca azdır".

Hələ Pərvin həvəskar aktrisaların nisbətən insaflılarındandır ha. Gününə min manat tələb edənlər də var. Əgər Pərvin üç min manata azdır deyirsə, onda Həmidə Ömərova, Xalidə Quliyeva, Firəngiz Mütəllimovanın qonorarı nə qədər olmalıdır?

Mərhum rejissor Şahin Zəkizadənin həyat yoldaşı Səbinə Zəkizadənin bir açıqlaması neçə gündür müzakirə mövzusudur. Doğrusu, bu mövzuya qayıtmaq istəməzdim. Heç Səbinə xanımın dəqiq belə bir açıqlama verib-vermədiyini də iddia edə bilmərəm. Ancaq onun dilindən yazılanlar bunlardır:

"Şahindən sonra ailə həyatı qurmağı fikirləşmirdim. Ancaq qismətdir, nə vaxtsa övladımı qəbul edən biri qarşıma çıxsa, ərə getməyi düşünərəm. Şahin həmişə məndən soruşardı ki, nə zamansa ölsəm, yenidən ərə gedərsənmi? O, çox qısqanc idi, zarafatca "Rahat öl, səndən sonra həyatımda heç kim olmayacaq" deyərdim, o isə susardı".

Əgər Səbinə xanım belə bir açıqlama veribsə, yalnız təəssüflənə bilərəm. Çünki Şahinin hələ heç ili də çıxmayıb. Həm də bu kimi şeylərin açıqlamaya filana ehtiyacı yoxdur. Yox, əgər bu açıqlamanı kimsə Səbinə xanımın adından yazıbsa, o adam çox güman ki vicdanını abort elətdirib.

Bu həftə daha bir sənət adamının ölüm xəbəri yayıldı. Daha doğrusu, yaydılar. Təbii ki, "jurnalistlər". Ancaq sonradan məlum oldu ki, sənətçi sağdır. Elə bu xəbəri yayan adamın da vicdanı yuxarıda qeyd etdiyim xəbəri yazanın (əgər yalan yazıbsa) vicdanı kimidir. Yəni aborta məruz qalıb.

Müğənni Röyanın əsl peşəsi hüquqşünas imiş. Özü də 2004-cü ildə Bakı Dövlət Universitetinin Beynəlxalq hüquq fakültəsinə daxil olub. Söhbətə bax ha. Beynəlxalq hüquq fakültəsi. Bilməmiş olmazsınız ki, bu fakültə BDU-nun ən prestijli, eyni zamanda yüksək bal tələb olunan fakültələrindəndir. Məsələn, 13 il əvvəl minimum 600 bal yığmalıydın ki, bu fakültədə tələbə ola biləsən. Sənətçini bu fakültəyə kim hansı "üsulla" dürtüşdürə bilibsə, sağ olsun. Baxmayın da, birdən sabah beynəlxalq hüququ bilən mütəxəssisə ehtiyacımız olar. Gerçəkdən də, adam nə deyəcəyini bilmir e. Zalım balası, bunu dürtüşdürürsən, heç olmasa kitabxanaçılıq kimi nisbətən aşağı balı olan fakültələrə dürtüşdür də.

Mərhum xalq artisti İlhamə Quliyevanın 74 yaşı tamam oldu. Səssiz-səmirsiz... Demək olar ki, nə efilərdə yada düşdü, nə mətbuat orqanlarında. Sadəcə, ötəri xəbərlərdən başqa heç nə gözə dəymədi. Əslində, bu durum həyatı əbədi bilənlər üçün dərsdir. Yəni, sağlığında Azərbaycanın az qala şou-biznes naziri kimi təqdim edilən, onlarla sənətçinin qarşısında təzim etdiyi İlhamənin doğum günü heç kimin yadına düşmədi.