Kürdəmirdə fərdi yaşayış evi yanıb. Evdə qalan nənə və nəvə son anda yanğından xilas olunub. Xəsarət alan olmasa da, ev əşyaları ilə bir yerdə külə dönüb.

Yanğın hadisəsi rayonun Köhünlü kəndində qeydə alınıb. Günorta saatlarında Ataş Şükürova məxsus evin dam örtüyündə alovlanma baş verib. Qısa müddətdə güclənən yanğın evi cənginə alıb. Hadisə zamanı evdə olan nənə və nəvə xilas edilib. Lakin ümumi sahəsi 225 kvadratmetr olan 4 otaqlı ev tamamilə yanıb. Ev sahiblərinin sözlərinə görə, yanğına elektrik naqilində baş verən qısaqapanma səbəb olub.

Hadisə yerinə Kürdəmir rayon yanğından mühafizə xidmətinin 2 ədəd texnikası və canlı qüvvəsi cəlb edilib. Alov söndürülüb və digər sahələrə keçməsinin qarşısı alınıb.

Faktla bağlı araşdırma aparılır.

kepeztv/az