Tərtərdə məktəb direktoru öz cinsi orqanının şəklini whatsapp üzərindən paylaşdı

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

Tərtərdə məktəb direktoru öz cinsi orqanının şəklini whatsapp üzərindən paylaşdı

Gundem / Bolge

Oxunub: 1 000

12 sen 2023 | 19:00

2022-2023-cü tədris ilinin sonuna olan məlumata görə, Tərtər rayon İdris Hüseynov adına Hüsənli kənd tam orta məktəbində 371 şagirdin təlim-tərbiyəsi ilə 41 müəllim məşğul olur. Məktəbə direktor Əkbərov Amil İlqar oğlu rəhbərlik edir. 28-i ali, 13-ü orta təhsilli olan müəllimlərin cəmi 7 nəfəri kişi, 34 nəfəri isə qadınlardır. Ola bilsin, yeni dərs ili başlayanda bu rəqəmlərdə, çox güman şagirdlərin sayında cüzi dəyişiklik müşahidə edə bilərik.

Amma hələ şagird kontingentinin qız üzvlərini nəzərə almadan əksəriyyəti qadınlardan ibarət olan kollektiv və ümumiyyətlə kənd sakinləri çox ehtimal edir və tələb edirlər ki, əsas dəyişiklik direktorun başqası ilə əvəzlənməsi olsun. Çünki Amil Əkbərov bu yaxında çox biabırçı əmələ imza atıb. Məktəbin müəllimlərinin internetlə bir-birləriylə ünsiyyətdə olduqları vatsap qrupunda direktorun cinsiyyət orqanının şəklini paylaşdığı deyilir. Bu iyrənc əməl isə isə əlbəttə ki, böyük narazılığa səbəb olub. Həmin şəkillər redaksiyamıza təqdim olunub.
Məsələyə aydınlıq gətirmək üçün məktəbin direktoru Amil Əkbərovla telefon əlaqəsi saxlayıb münasibətini soruşduq. Amil Əkbərov etiraf etdi ki, telefonunun şəkil yaddaşında doğrudan da elə bir şəkil olub. Şəkil də həkimə (yəqin ki, androloqa) göndərmək üçün çəkilibmiş. Amil Əkbərovun sözlərinə görə, uşaq telefonu “qurdalayanda” anidən şəkli vatsap statusuna atıb, sonra da dərhal silinib: “Səhvən paylaşılmış, dərhal da silinmiş həmin şəkli yalnız telefonunda “vatsap + plyus” proqramı olan qrup üzvü bərpa edə və yaddaşda saxlaya bilərdi. Bilmək istərdim, bunu kim ajiotaja çevirmək istəyir. Yəqin ki, şantaj məqsədilə edilib. Bunu araşdırmaq hüquq-mühafizə orqanmlarının işidir”.
Beləliklə, direktorun özünü qismən təqsirli saydığı bu məsələ ilə əlaqədar Qarabağ Regional Təhsil İdarəsinin rəisi Gündüz Əbdülovla telefon vasitəsilə fikir mübadiləsi apardıq. Gündüz müəllim redaksiyada olan faktları İdarənin rəsmi internet poçtuna (imeyl) göndərməyimizi xahiş etdi və ondan sonra hüquqi prosedurlara başladacağına söz verdi. Onun sözlərinə görə, fakt təsdiqini taparsa, məktəb direktorun əməli həqiqətən də yolverilməzdir, həm hüquqi, həm də mənəvi məsuliyyət doğurur.
Tərtər Rayon İcra Hakimiyyətinin məsul işçilərindən biori ilə əlaqə saxlayıb rayon rəhbərliyində belə bir məlumatın olub-olmadığını soruşduq. Həmin vəzifəli şəxs ona hələlik yalnız qeyri-rəsmi mənbədən belə bir məlumat çatdığını bildirdi ki, məktəb direktorunun barəsində polisə şikayət olunub. Hər hansı tədbir görülməsinə gəlincə, buna Regional Təhsil İdarəsinin səlahiyyətinin çatdığını söylədi.
Maraqlıdır, əgər məsələ həqiqətən Amil Əkbərovun dediyi kimidirsə, belə çıxır ki, düşməni onuin ocağının başında imiş. İstər-istəməz suallar doğur: Təhsil müəssisəsinə rəhbırlik edən bir şəxs evdə ailəsini, uşağını idarə edə bilmir? Necə olur ki, uşağın onun telefonuna, cihazdakı şəkillərə əli çatır? Uşaq nəyə görə cihazdakı başqa şəkilləri deyil, məhz biabırçı şəkli paylaşır, özü də başqa platformada yox, məhz müəllimlərin vatsap qrupunda?
Yazının dərc olunma ərəfəsində redaksiyamıza məlumat daxil oldu ki, Amil Əkbərov məktəbin ali təhsilli kişi direktorlarına barmaq silkələyib. Yəqin elə düşünür ki, qadın müəllimlər onun vatsap statusunda paylaşdığı şəkildən məmnun olmalıymışlar, bu işin üstünün açılması da yəqin onun kreslosuna göz dikmiş kişi müəllimlərin hansınınsa xidmətidir.
Mövzuya qayıdacağıq.