Təcili yardımda var Yaqub, vardı Yaqub oğlu Yaqubov

İlham Əliyev Dövlət Bayrağı Günü münasibətilə paylaşım edib

Ərazi bütövlüyünün qorunmasında xüsusi xidmətləri olmuş şəxslər təltif edilib - SƏRƏNCAM

Prezident onları təltif etdi - SİYAHI

Prezident onları təltif etdi

Prezident AMEA-da - Fotolar

Prezident həmkarını təbrik etdi

“Cənab Prezident, oğlum əsgərdir, tapşırdı ki, şəkil çəkdirək” - Video

İlham Əliyev: Zəfər Günü bizim tariximizdə olan ən parlaq səhifədir

Təcili yardımda var Yaqub, vardı Yaqub oğlu Yaqubov

Gundem / Sosial

Oxunub: 1 009

21 fev 2023 | 12:33

Xətai rayonunda, Seyid Əzim Şirvani küçəsində Vətən müharibəsi şəhidi Fəxrəddin Yaqub oğlu Yaqubovun xatirə lövhəsi var. 1962-ci il təvəllüdlü şəhid F.Yaqubov çox yaxşı insan və məharətli sürücü idi. Özü də Qubadlı rayonunun Yusifbəyli kəndində doğulmuşdu. Vətən müharibəsi zamanı iki aydır yaralı daşıyırmış. Adətən, işçilər 10 günlük ezam olunurdular və qayıdırdılar. Çox vətənpərvər insan olub, hamıya kömək etmək istərmiş. Təcili Tibbi Yardım Stansiyasında 15 ildən çoxdur sürücü işləyirdi. Vətən müharibəsi zamanı hərbçilərə yardım apararkən noyabrın 22-də itkin düşüb. Onun azaraq düşmən tərəfə keçdiyi və əsir götürüldüyü ehtimal olunurdu. Ancaq sonradan şəhid olduğu müəyyənləşib. F.Yaqubovun meyiti Azərbaycana təhvil verilib.

Bir də var Yaqub Məmmədov – Bakı şəhər Təcili Tibbi Yardım avtobazasının direktoru. Sağdır və kreslosundan möhkəm yapışıb. Dəfələrlə olub ki, Avtobaza tərəfindən büdcə vəsaitləri üzrə proqnozlar tərtib edilərkən mövcud qanunvericilik aktlarının və qaydaların bir sıra tələbləri gözlənilməyib, avtobazanın maliyyə-təsərrüfat fəaliyyətinin nəticələri tam qiymətləndirilməyib. Bəzi hallarda müvafiq normativ aktların tələblərinə əməl edilməyərək artıq əmək haqqı ödənilib, artıq vakant ştatlar saxlanılaraq əmək haqqı proqnozlaşdırılıb və xərc smetalarında nəzərdə tutulmadığı halda vakant vəzifələr hesabına işçilərin əmək haqlarına əlavələr ödənilib. Direktorun yerlibazlığı, qohumbazlığı, işçiləri arasında ayrı-seçkilik etməsi də gəzən söhbətlər sırasındadır. Avtobazanın fəaliyyətində yer alan neqativ hallar cərgəsində ən ciddi araşdırma tələb edəni, hüquq müstəvisində qiymət verilməli olanı dövlət satınalmaları haqqında qanunun pozulması ilə müşayiət olunan tender sövdələşmələri, idarənin mühabirləşdiyi firmalara ödənilməli olan xidmət haqlarının, mal-material qiymətlilərinin, ehtiyat hissələrinin (müştük, elektrobenzonasos, dayaq lövhəsi, arxa amortizator, benzo-filtr, peçin radiatoru, şarovoy, vıjimnoy, termostat, stupitsa podşipniki, qabaq kalotka, qranat, yanacaq nasosu, su radiatoru, dartma yığımı, şüşə silgəci, su baçoku, vilka stepleni, hava filtri, şüşəsilən mexanizm, generator, qabaq və arxa işlək silindrlər, səsboğucunun araqatı, starter və s.) qiymətinin “şişirdilməsidir”.

İstənilən şəxs ötəri müşahidə aparsa, asanlıqla görə bilər ki, qarajda Avtobazanın balansında olmayan maşınlara da pullu texniki xidmət göstərilir, ehtiyat hissələri, yanacaq və sürtgü materialları təcili yardıma aid olmayan avtomobillərə işlədilir, hətta idarənin özünün sürücüləri bu vəziyyətdən gileylənirlər.

İbrahim Hümbətov