İMAMZADƏNİN HACI TAHİRİ GƏLİRLİ “MƏHƏRRƏMLİK SEZONU”NA HAZIRLAŞIR

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

İMAMZADƏNİN HACI TAHİRİ GƏLİRLİ “MƏHƏRRƏMLİK SEZONU”NA HAZIRLAŞIR

Gundem / Sosial

Oxunub: 476

14 iy 2022 | 11:31

Millət vəkili Fazil Mustafa yazır ki, İslam dinində nəzir qutusu, nəzirvermə anlayışları yoxdur: “Hətta duanın özündə də hər hansı bir maddi tələb yoxdur. Əlini göyə qaldırmadan da ürəyində Allaha dua edə bilərsən... Müasir dövrdə ianə forması var. İanəni də ona görə verirlər ki, məscidlərin, insanların ibadət yerlərinin işıqpulu, qazpulu problemləri olur, onları həll etmək üçün... Azərbaycan xalqında isə bu, bütünlüklə belədir; sanki nəzir verməsələr, olmaz. Allahla müqavilə bağlayırlar ki, bu işim həll olunsun, qurban kəsəcəyəm. Bu cür absurd məsələnin qanunvericiliyə gətirilməsini də məqbul saymıram. Ümumiyyətlə, bu cür terminlərin qanunvericiliyə gətirilməsinin tərəfdarı deyiləm. “Nəzir qutusu” ifadəsinin özü tamamilə yanlışdır”.

Gəncə “İmamzadə” Türbəsində video-qeydə alınaraq redaksiyamıza göndərilmiş maraqlı görüntülər “Azerinfo.az saytında yaymlanandan sonra sözügedən ziyarətgahı öz şəxsi biznesinə çevirən axund, QMİ-nin Gəncəbasar bölgəsi üzrə xüsusi nümayəndəsi Hacı Seyid Tahir Abbaszadənin müavini, dini icmanın üzvü Elbrus Məmmədov bizimlə telefon bağlantısı quraraq, məsələyə münasibət bildirdi. Onun sözlərinə görə, nəzir qutularına yığılan pullardan tutmuş, mollaların dua oxumaq müqabilində ziyarətçilərdən pul toplamalarına qədər ziyarətgaha pul gətirən bütün müşahidə olunan fəaliyyət növləri, eləcə də dini aksessuarların satışı qanunidir və dövlət tərəfindən icazə verilib.

Qafqaz Müsəlmanları İdarəsindən isə deyirlər ki, yığılan pulların onlarla heç bir bağlılığı yoxdur. Bu ilin fevralında dini etiqad azadlığı haqqında qanunun 18-ci maddəsində edilən dəyişikliyə görə, dini qurumlar könüllü ianələri nəğd və ya bank, poçt, plastik kart, elektron ödəmə sistemləri ilə, yaxud internet vasitəsilə qəbul edə bilərlər. Elektron ödəmə sistemi vasitəsilə nəzir söhbəti ortaya çıxandan sonra məscidlərdə nəzir qutusunun olmadığı deyilsə də, İmamzadə dini kompleksində belə qutuların sayı bir neçədir.

Hərçənd, İmamzadədə yığılan pulların xərclənməsində şəffaflıq, ictimai hesabatlılıq yoxdur. Əminliklə söyləmək olar ki, Hacı Tahir o pullara istədiyi kimi sərəncam verir. Hacının malik olduğu ölçüyəgəlməz varidat, nəhəng kapital bun təqdiqləyir. Gerçək ruhaninin, halal din adamının bu qədər sərvətə sahib olması ağlabatan deyildir.

Qarşıdan müqəddəs Məhərrəm ayı, Tasura və Aşura tədbirləri gəlir. Hacı Tahir və ziyarətgahın digər mollaları əllərini-əllərinə sürtərək onların ciblərini dolduracaq İmam Hüseyn təziyələrini səbirsizliklə gözləyirlər.

İbrahim Hümbətov