Etibarlı mənbələrdən aldığımız məlumata görə, Fövqəladə hallar naziri Kəmaləddin Heydərovun artıq “topdağıtmaz imperiyası” dağılmaq üzrədir. Aktualxeber.az-a daxil olan məlumata görə, K.Heydərov canını həbsdən qurtarmaq üçün bütün ətrafına yığdığı yaxınlarını bir-bir qurban verir. Artıq sözügedən nazirliyin bir neçə generalının işdən qovulmasına start verilib. Yola salınan “böyük ulduz”luların başında nazir müavini, general-leytenant Faiq Tağızadə durur. 1951-ci il təvəllüdlü general-leytenant pensiyaya “göndərilir”. Əslində onun hələ keçən ildən işdən çıxarılması gözlənilirdi. Çünki Baş prokuror yanında Korrupsiyaya qarşı Mübarizə Baş İdarəsinin ötən il həbs etdiyi Fövqəladə Hallar Nazirliyinin Tibb Mərkəzinin Modul Tipli Hospitalının baş həkimi Ağayev İmran Əli Ağa oğlu generalın bacısı oğludur.
İstintaq müəyyən etmişdi ki, “bacıoğlu” qeyri-rəsmi olaraq köməkçiləri ilə qabaqcadan əlbir olub rüşvət müqabilində koronavirus xəstələrinin rəhbəri olduğu tibb müəssisəsində yerləşdiriblər. Modul tipli hospitalın tikintisinə ayrılmış 28 milyon vəsaitin 20 milyonu Faiq Tağızadənin iştirakı ilə öz aralarında mənimsənilsə də, generalın “yuxarı”larla qohumluq əlaqəsi onu həbsdən qoruyub. Ağayev İmranın həbsi çəmiyyətdə “soyuq duş” effekti yaratdı və “fövqəlnazir”in onsuz da laxlayan kreslosunu möhkəm silkələdi. Əldə etdiyimiz məlumata görə, nazirliyin bütün strukturlarında Hesablama Palatası və hüquq-mühafizə orqanları tərəfindən yoxlamalar aparılır. Yoxlamanın ilkin nəticəsi olaraq nazirliyin Maliyyə-iqtisadiyyat Baş idarəsinin rəisi general Nağı Nağıyevin işdən çıxarılıb həbs edildiyi deyilir. Kəmaləddin Heydərovun sinif yoldaşı olan N. Nağıyevin həbsi nazirliyi silkələyib. Hazırda Fövqəladə Hallar Nazirliyinin Akademiyasında da Hesablama Palatasının komissiyası yoxlama aparır. Məlumata görə, yoxlama sözü gedən Akademiyada böyük yeyintinin olduğunu üzə çıxarıb. Bu yoxlamalardan biri bu günlərdə Dövlət Yanğindan Mühafizə Xidmətində keçirlib. Yoxlama nəticəsində Xidmətin maliyyə idarəsinin rəisi daxili xidmət polkovniki Elvin Mehdiyevin yüksək məbləğdə “əyər-əskiyi” çıxıb. Prezident Aparatının keçmiş rəhbəri Ramiz Mehdiyeyevin nəvəsi olan E.Mehdiyevin başı dərddədir. Ümumiyyətlə, deyilənən görə, Elvin Mehdiyevin şöbədə «gestapo» rejimi yaradıb. İşçilərlə kobud rəftar edən E.Mehdiyevdən kollektivin zəhləsi gedir. Xüsusən daxili tədqiqatın ortalığa çıxardığı yeyintilədən sonra yaralı canavara dönən E.Mehdiyev həbs olunmaqdan qorxur. Hətta deyilənə görə, Fövqəladə hallar nazirinin müavini olan əmisi onun üstündən əlini çəkib. Çünki nazir Kəmaləddin Heydərovun “sağ əli” Teymur Mehdiyevin də başı dərddədir.

FHN-lə bağlı əldə etdiyimi digər maraqlı xəbər nazirliyin katibliyinin rəisi Firidun Məmmədovun işdən çıxarılmasıdır. Kəmalədiin Heydərovun bibisi oğlu Firidun Məmmədovu işdən çıxarması onun özünün də vəziyyətinin ağır olmasından xəbər verir. Çünki nazirin köməkçisi Alim F.Məmmədovun oğludur. Firidunun digər oğlu Həmdulla Məmmədov isə Kəmaləddin Heydərovun “qara kassası”na nəzarət edir. Sonda şok bir xəbəri də oxucularımızın nəzərinə çatdırmaq istəyirik. Bu yoxlamalar onu göstərir ki, artıq Kəmaləddin Heydərovun “qələmi qırılıb”. Onun yerinə təyin ediləcək şəxsin adı da məlumdur. Bu, Ədliyyə Nazirliyinin Pentensiar Xidmətinin rəisi general Ceyhun Həsənovdur.

Mövzuya qayıdacağıq və qarşı tərəfi də dinləməyə hazırıq.