Uğurlarından daha çox, baş verən biabırçı hadisələrlə gündəmdən düşməyən Texnologiya Universiteti rektoru Akif Süleymanov haqqında hər gün yeni məlumatlar yayılır. Müraciətlərə, şikayətlərə baxdıqda universitetdə idarəetmənin hansı səviyyədə olduğunu təsəvvür eləmək elə də çətin olmur.

Elə bu nöqteyi-nəzərdən də, bu gün yenidən bu mövzuya açıqlama gətiririk,

Etiraf edək ki, əslində problem və nöqsanların gündəmə gətirilməsinlə təhsil ocağında iş bitmir. Çünki bu istiqamətdə həqiqətən də ciddi addımlar atılmalıdır ki, zamanla da olsa, nəticəni görə bilək. Bu gün isə dövlət qurumları, Təhsil Nazirliyi susur.

ATU-da hər il tələbə sayı azalır. Buna da səbəblər var. Bir vaxtlar ölkəmizdə ən qabaqcıl təhsil müəssisələrindən hesab edilməsinə baxmayaraq, hal-hazırda burada 3000 min tələbə təhsil alır.

Akif Süleymanov 2013-cü ilin mart ayında rektor vəzifəsinə təyin edilib. Lakin bu 8 il ərzində təhsil müəssisəsində yaxşılığa doğru heç bir dəyişiklik baş verməyib. Belə ki, problemlər öz aktuallığını qoruyub saxlayır.

A.Süleymanov rektor olduğu müddətdə işlədiyi “Kompyuter mühəndisliyi və telekommunikasiya” kafedrasında müəllim kimi bir saat belə dərs deməyib. Amma adıçəkilən kafedranın müdiri R.Hacıyev onun bu özbaşnalığına 8 ildir ki, göz yumur.

A.Süleymanov dərs demədən müftə maaş alaraq fəzifəsindən sui-istifadə edib. Bu ilin aprel ayında Təhsil Nazirliyinin ATU-ya gələn yoxlama üzviləri də qeyd olunanların doğru olduğunun şahidi olublar.

Ayda özünə 10 min manat maaş yazdıran rektor A. Süleymanovun gözü doymadığından, maddi pozuntular etməklədə ciddi məşğul olmuşdur. Onun 8 illik fəaliyyəti artıq Təhsil Nazirliyinin yoxlaması tərəfindən araşdırıb, lakin nəticə yoxdur.

Respublikanın digər ali məktəbləri ilə müqayisədə cəmi 3 min tələbəsi olan bir universitet (həm də dövlət universiteti olmaqla) rektorunun digər universitet rektorlarından fərqli olaraq bu qədər fantastik maaş alması görən nə ilə izah oluna bilər.

Əldə etdiyimiz mənbələrdən aydın olubdur ki, qocaman rektoru Azərbaycan Respublikasının İqtisadiyyat naziri Mikayıl Cabbarov dəstəkləyir. Digər məlumatlara əsasən, ATU-nun rektoru Akif Süleymanovun oğlu Şamil Süleymanovla İqtisadiyyat naziri Mikayıll Cabbarovun yaxın dostudur.

Nəzərinizə çatdırırıq ki, 29 sentyabr bilik günü münasibəti ilə, bütün ali məktəblərdə və orta məktəblərdə ilk adımları atan tələbələri, gələcəkdə uğur qazanması üçün universitet rəhbərləri və digər ziyalı təbəqənin nümayəndələri ürək sözlərini tələbələrə çıxşlarında bildirirlər. Lakin o çıxşlardan öncə “Azərbaycan Milli Dövlət Himninin Musiqisi” səslənir hər bir şəxs özdüyündə Azərbaycan Himnini təkrar edərək musiqi sədaları altında fəxrlə başa çatdıraraq, alqışlar altında yekunlaşdırırlar.

Amma uzun müddətdir xəstəlikdən əziyyət çəkən rektorun ayağa durmaq taqəti olmadığından, dövlət himninin səslənməsi Azərbaycan Texnologiya Universitetində təxirə salındı. Bundan əlavə, "Qarabağ" uğrunda dünyasını dəyişmiş şəhidlər belə bir dəqiqəlik sükutla anılmadı.

ATU-nun rektoru Akif Süleytmanov uzun müddətdir ki, ağır xəstəlikdən əziyyət çəkirdi.

Xatırladaq ki, bu ilin iyul ayının 10-da Təhsil nazirinin müvafiq əmri ilə A.Süleymanovun xəstəliyi ilə əlaqədar Y.Ömərov ATU-ya elmi işlər üzrə prorektot və eyni zamanda 3 aylığına rektor əvəzi təyin edildi. Elə hadisələr də bundan sonra başladı.Təqribən bir həftə sonra ağır xəstə olan A.Süleymanov qəfil “sağaldı” və Təhsil Nazirliyinə ərizə ilə müraciət edərək işə qayıtmasını xahiş etdi. Beləliklə universitetdə bir-neçə günlüyə ikihakimiyyətlik yarandı. Bu da arzuolunmazdır.

Ağır xəstəlikdən əziyyət çəkən ATU-nun rektoru Akif Süleymanovun son vəziyyəti daha acınacaqlıdır. Buna əsasən foto şəkildən aydın olur ki, xəstəliyi pik həddə çatan universitet "şefi" əmək qabiliyyətini itirdikdən, əmək funksiyalarını yerinə yetirə bilmir. ATU-nun rektoru insult xəstəliyindən əziyyət çəkdiyi halda, rektorun xəstəliyini (hipotoniya ) yəni ki, aşağı təzyiq xəstəliyi yazdırıblar, buna dair əlimizdə rəsmi sənəd var. Rektorun işdən getmə anlarını sizlərə təqdim edirik, aidiyyəti orqanlarında nəzərinə çatdırırıq.

Hurriyyet.az