"Azərişıq" ASC İsmayıllı rayonu enerji təchizatı və satış idarəsində özbaşınalıq

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

"Azərişıq" ASC İsmayıllı rayonu enerji təchizatı və satış idarəsində özbaşınalıq

Gundem / Bolge / Maraqli

Oxunub: 1 422

11 okt 2021 | 00:48

İsmayıllı rayonu Aşağıbaş kənd sakini Orxan Qadil oğlu Cənnətəliyev medyaya video-müraciət edərək rayon enerji təchizatı və satış idarəsindən şikayətçi olduğunu bildirir.
Biz şikayətçinin yaşadığı ünvanda olub video görüntülər hazırladıq.

Vətəndaşın həyətindən meyvə ağaclarının arasından keçən yüksək gərginlikli elektrik xətlərinin yerdən hündürlük məsafəsi heç 2 metr deyil.Bu da onu deməyə əsas verir ki,hər an ölüm hadisəsi baş verə bilər.
Şikayətçi dəfələrlə rayon icra hakimiyyətinə, şəhər bələdiyyəsinə müraciət edərək kömək istəyib.Təbii ki,bu məsələ qeyd olunan dövlət qurumlarının işi deyil.Həm rayon icra hakimiyyəti,həm şəhər bələdiyyəsi,həm də şəhər icra nümayəndəliyi düzgün şəkildə vətəndaşı əsas tədbir görməli olan rayon enerji təchizatı və satışı idarəsinə yönəldərək, qeyd olunan təşkilata müraciət etməli olduğunu şifahi və yazılı olaraq izah ediblər.
Vətəndaşın dəfələrlə rayon enerji təchizatı və satışı idarəsinə müraciət etməsinə baxmayaraq adıçəkilən qurum heç bir tədbir görməyib.
Bu onu deməyə əsas verir ki, rayon enerji təchizatı və satış idarəsində özbaşınalıq hökm sürür.Bu idarədə yalnız rüşvət təklif edən şəxslər üçün iş görülür.Bu idarədə insan taleyini düşünən kəs yoxdur.Çünki pul gözlərini tutub və rəhbərlik yerində olmayan kadrdır.
İsmayıllıda, ümumiyyətlə, elektrik xətlərinin real vəziyyəti olduqca acınacaqlı durumdadır.Kənd və qəsəbələrdə vəziyyət olduqca bərbaddır.Rayon mərkəzindən başqa digər ərazilərdə elektrik xətlərinin vəziyyəti olduqca bərbaddır, rayon ərazisində elektrik enerjisinin verilməsində ciddi problemlər mövcuddur.Kəndlərdə azacıq meh enerji təchizatında fasilələrə səbəb olur.
Ümumiyyətlə, rayon enerji təchizatı və satışı idarəsinin fəaliyyəti sıfıra bərabərdir.Əvvəlki illərdə rayonda enerji təchizatında yenidənqurma işləri üçün dövlət büdcəsindən ayrılan milyonlar mənimsənilib.Hələ də köhnə Sovet dövründən qalma avadanlıqlar,xətlər,şalbanlar, transformator və sair şeylərdən istifadə olunur.
Sabiq rəislər Əliağa Bədəlov,Şahin Muradov və hazırda da yenisi Ruhin Məmmədov bu idarəni məhv ediblər.İdarə rəisi Ruhin Məmmədov heç bir iclasa belə qatılmır.İdarədə özbaşınalıq hökm sürür.Rüşvət dövlət büdcəsindən yayındırılan maliyyə vəsaitləri və vətəndaşların dövlət və dövlətçilikdən narazı salınması adi hala çevrilib.Rəis Ruhin Məmmədov İsmayıllı sakinlərini dövlət başçısından, dövlət qurumlarından narazı salır.Bəli,bu adam yerində olmayan kadrdır və işi ilə deyil, qaranlıq işlərlə məşğul olur.Hesab edirik ki, vətəndaş Orxan Cənnətəliyev bu şikayətində tamamilə haqlıdır.Çünki onun yaşadığı mənzildə ölüm saçan təhlükə mənbəyi var.Ancaq səlahiyyətli qurumların nümayəndələri bunu görməməzlikdən gəlirlər.Ar olsun.Əgər orda kimsə elektrik vurması nəticəsində dünyasını dəyişsə kim cavab verəcək?
Bu kimi səhlənkarlıq edən rəhbər və qurumlara ar olsun və biz də saytımız adından bu qurumların rəhbərlərini sərt qınayır və təcili şəkildə problemin aradan qaldırılmasını tələb edirik.
Mövzunu diqqətdə saxlayacağıq.Bir neçə gündən sonra yenidən həmin əraziyə gedərək prosesi monitorinq edəcəyik.
Qarşı tərəfin mövqeyini dərc etməyə hazırıq.Sonda videoları bəyənib paylaşmağınızı xahiş edirik.Kanalımıza abunə olmağı unutmayın.

Elçin İsmayıllı.