Bərdənin icra başçısının “qara kassa”sı Sərdar Əhmədov- BAŞÇI VİDADİ İSAYEVLƏ SƏRDAR ƏHMƏDOVUN “İŞBİRLİYİ”…

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Bərdənin icra başçısının “qara kassa”sı Sərdar Əhmədov- BAŞÇI VİDADİ İSAYEVLƏ SƏRDAR ƏHMƏDOVUN “İŞBİRLİYİ”…

Gundem / Bolge / Maraqli

Oxunub: 859

8 sen 2021 | 09:30

Bərdənin icra başçısının “qara kassa”sı Sərdar Əhmədov- BAŞÇI VİDADİ İSAYEVLƏ SƏRDAR ƏHMƏDOVUN “İŞBİRLİYİ”…

Bərdə Suvarma Sistemləri İdarəsinin mudiri Sərdar Əhmədov fermerlərə su satır

Cənab Əhmədov səhərdən axşamadək rəqəmləri üfürüb şişirdir…

Məlumdur ki, ölkə başçısı İlham Əliyev cənabları iqtisadiyyatımızın neftdən asılılığını azaltmaq üçün dəfələrlə aqrar sektorun inkişaf etdirilməsi ilə bağlı çağırışlar edib.
Cənab Prezident təkcə çağırışlar etməyib, həm də bu sahənin inkişafı üçün kifayət qədər dövlət vəsaiti ayırıb.
Çox təəssüf ki, bəzi məmurlar Prezidentin tapşırıqlarını qulaqardına vurur.
Belə məmurlardan biri də Bərdə Suvarma Sistemləri İdarəsinin mudiri Sərdar Əhmədovdur.
Belə məmurlara vaxtında qulağının dibini göstərmək lazımdır ki, öz yerlərini bilsinlər.
İlk öncə onu qeyd edək ki, Bərdə Suvarma Sistemləri İdarəsinin mudiri Sərdar Əhmədov rayonda icra başçısı Vidadi İsayevin “qara kassa”sı kimi tanınır. Nə üçün ?
Məlumdur ki, icra başçılarının çoxu rayondakı idarə və müəssisə rəhbərlərini “aylığa” otuzdurub.
Bəli, təhsil, mədəniyyət şöbələrinin, xəstəxanaların və digər idarələrin müdirləri hər ay cənab başçıya 5-10 min civarında, bəzən daha çox “aylıq” verirlər.
Bu pulların yığılması məsələsinə cənab Sərdar Əhmədov baxır.
Yuxarıda əbəs yerə qeyd etmədik ki, ölkə başçısı aqrar sektorun inkişafına xüsusi önəm verir.
Və aqrar sektor deyəndə ilk ağıla gələn su olur. Çünki nə qədər əkib-becərsən də su olmasa sonda bütün zəhmət və qoyulan vəsait hədər gedir.
Təəssüf ki, suyun mənbəyində dayanan Sərdar Əhmədov dövlət vəsaiti hesabına başa gələn suyu vətəndaşlara, fermerlərə, sahibkarlara şişirdilmiş baha qiymətlərlə satır.
Təsəvvür edirsiniz, fermerlər, sahibkarlar öz əkin sahələrini suvarmaq üçün ilin əvvəlində Sərdar Əhmədovla, yəni Suvarma idarəsi ilə müqavilə bağlasa da cənab rəis müqavilə şərtlərinə əməl etmir.
Çünki neçə illərdir ki, Bərdə Suvarma Sistemləri İdarəsinin müdiri Sərdar Əhmədov suvarma mövsümünü əsl alver predmetinə çevirir və bu da fermerləri çətin durumda qoyur, becərilən məhsul məhv olur.
Məlumdur ki, dövlətimiz meliorasiya sahəsinə külli miqdarda vəsait ayırır. Təəssüf ki, bu vəsait öz təyinatı üzrə istifadə olunmur və Sərdar Əhmədovun cibinə gedir.
Bu adam qurumun balansında olan texnikanı və avadanlıqları öz dədəsinin malı kimi qonşu rayonlara satır, icarəyə verir.
Bəli, Bərdə rayon Suvarma Sistemləri İdarəsinin rəisi Sərdar Əhmədov qurumun balansında olan texnikanı yerli, eləcə də qonşu rayonlardakı sahibkarlara, fermerlərə icarəyə verir və bunun nəticəsində rayonda böyük problemlər yaradır.
Məlumat üçün onu da qeyd edək ki, Bərdənin əsas su mənbəyi Yuxarı Qarabağ kanalı, həmçinin onun üzərində olan elektrik nasos stansiyaları, 2 su anbarı, Tərtər kanalı və subartezian quyularıdır. İdarə ümumilikdə 53949 hektar sahəyə xidmət edir. Rayondakı suvarma kompleksi, kanal və drenaj şəbəkələri, nəhəng qurğuların əsas hissəsi bərbad vəziyyətdədir. Hidrotexniki qurğuların və beton kanalların cari və əsaslı təmiri aşağı səviyyədə aparılır. Sərdar Əhmədov təmir-bərpa, yenidənqurma tədbirləri adı altında büdcə vəsaitlərini mənimsəyir.
Nəticədə Bərdə ərazisindəki kanalları vaxtında lildən təmizləmir və ətraf əraziləri su basır.
Digər tərəfdən transformatorların, elektrik mühərriklərinin, nasos aqreqatlarının əsaslı təmiri adı altında külli miqdarda dövlət vəsaiti Sərdar Əhmədovun cibinə axır.
Sərdar Əhmədovdan soruşan lazımdır ki, aldığın məvaciblə Bərdədə və Bakıdakı mənzillərini necə almısan ?
Bir sözlə, Sərdar Əhmədov sərf olunan cüzi məbləği kağız üzərində üfürərək dəfələrlə şişirdir və öz maxinasiyaları ilə cinayət əməllərinə yol verir.
Yəqin ki, yaxın zamanlarda Sərdar Əhmədovun cibində gəzdirdiyi “aylıq siyahı”sı müvafiq dövlət qurumlarının əlinə keçəcək. Onda Sərdar Əhmədovun başına nə keçirəcəklər ?
Bu artıq bizlik məsələ deyil…

Gündəlik Baki