Siyəzəndə şok iddia - Uşaq baxçasından oğurluq edirlər

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

Prezident niyə Berlinə Füzulidən uçdu? - 3 MESAJ

Siyəzəndə şok iddia - Uşaq baxçasından oğurluq edirlər - Foto+Video

Gundem / Bolge / Video

Oxunub: 1 236

9 iy 2021 | 14:14

Siyəzən rayon sakini Ruslan Quliyev yenidən Azinfo.tv saytına müraciət ünvanlayıb. Ruslan Quliyev bu dəfə rayon 1 saylı uşaq bağçasında baş verən qanunsuzluqları ictimaiyyətə çatdırılması istəyində olduğunu bildirir.

Möhtərəm prezident! Biz dəfələrlə Siyəzən rayon 1 saylı uşaq bağçasının müdirəsi Nabatxanım Əbdülovanın qanunsuz əməlləri barəsində şikayətlər etmişik. Hətta bu barədə dostum Elşən Məhərrəmov özünün Facebook səhifəsində dövlət tərəfindən verilən azuqələrin qanunsuz yolla daşınması barəsində fotolar və videolar paylaşıb. Lakin təəssüflər olsun ki, rayon daxilində olunan şikayətlər icra başçısı Novruz Novruzov və birinci müavini Aqşin Ağayev vasitəsilə ört-basdır olunur.
Şikayətlər bundan ibarətdir ki, Nabatxanım Əbdülova işlədiyi müəssisədə dövlət tərəfindən ayrılmış ərzağı, uşaqların məşğuliyyəti üçün nəzərdə tutulan əşyaları, sanitar-gigiyenik vasitələri, yuyucu sintetik vəsaitləri qanunsuz olaraq müəssisədən çıxarır və satır. Qeyd edilən vasitələrin baxçadan çıxarılmasını sübut edən fotolar və videolar var. Nə vaxt, necə, kiminlə, hansı avtomobillə çıxarılması barədə. Biz həmin sübutlarla birlikdə şikayət ərizəmizi Siyəzən rayon icra hakimiyyətinə göndərmişik, ancaq orada faktlar ört-basdır olunub.
Nabatxanım Əbdülova haqqında araşdırma aparmaq lazımdır görək bu xanım müdirə hansı məvaciblə Siyəzən rayon Tofiq İsmayılov 51 saylı binada 3 otaqlı ev alıb və həmin evin qiyməti qədər təmirinə pul xərcləyib, üstəgəl evə alınan bahalı mebellər və digər əşyalar. Bütün bunlar sübut deyil? Axı xanım müdirənin aylıq əmək haqqısı bunları ödəmir.
Bu ilin aprel ya may ayında xanım müdirə dostum Elşən Məhərrəmovun barəsində rayon prokurorluğuna şikayət ərizəsi ilə müraciət etmişdi. Rayon prokurorluğu işi baxılması üçün rayon polis şöbəsinə göndərmişdi. Nabatxanım Əbdülova dostumun anasını- ali təhsilli bir qadını qanunsuz olaraq, sifariş əsasında işdən azad edib. Elşən Məhərrəmov dəfələrlə anasının işdən azad olunması barədə qərarın ona verilməsini tələb edib və yalnız bu haqda KİV vasitəsilə çıxışından sonra qərar ona verilib. Belə ki, rayon icra hakimiyyəti başçısının müavini, humanitar məsələlər üzrə şöbənin müdiri vəzifəsində çalışan Balabəy Balabəyov Elşəni çağıraraq ondan get baxçadan ananın qərarını götür deyərək onu baxçaya göndərmişdir. Elşən Məhərrəmov baxçadan qərarı alıb getdikdən sonra müdirə Nabatxanım Əbdülova baxçanın işçiləri adından rayon polis şöbəsinə şikayət edib. Güya ki, Elşən orada onu və digərlərini təhqir edib, nəticədə uşaqlar qorxub və sair. Polis şöbəsinin təhqiqat bölməsinin rəisi Əlixan Nağıyev heç bir araşdırma,üzləşmə aparmadan 27 gün sonra rayon məhkəməsində müdirə Nabatxanım Əbdülova Elşənin üzünə dayanmış və hakim də gözüyumulu Elşəni inzibati qaydada 20 sutka ərzində azadlıqdan məhrum etmişdir. Çünki mən və Elşən Nabatxanım Əbdülovanın qanunsuz əməllərini ifşa edirik.
Sonradan baxça işçiləri hamılıqla yazaraq bildirdilər ki, biz Elşənlə bağlı heç bir şikayət etməmişik və bütün bunlar Nabatxanım Əbdülova və Təhqiqat üzrə bölmə rəisi Əlixan Nağıyevin uydurmalarıdır. Sadəcə Əlixan Nağıyev gəlib soruşdu ki, bu gün Elşən bura gəlib? Biz də dedik ki, bəli gəlib anasının qərarını alıb getdi.
Biz Nabatxanım Əbdülovanın baxçadan oğurlandıqları ərzaq və sair şeylər barəsində prezident administrasiyasına, rayon prokurorluğuna və sair yerlərə müraciətlər etmişik.Ancaq bu qadının qarşısını alan yoxdur. Çünki baxçada baş verən korrupsiya əməllərinin icra başçısı Novruz Novruzov və birinci müavini Aqşin Ağayevlə birbaşa əlaqəsi var. Əldə olunan gəlirlərin böyük hissəsi bu məmurlara çatır. Mən üzərimə düşən vətəndaşlıq borcumu yerinə yetirərək, cənab prezidentimizə müraciət edirəm.Cənab prezident! Siyəzəndə vəziyyət qeyd etdiyim məmurların ucbatından bərbaddır. Xahiş edirəm DTX-nin Siyəzəndə əməliyyat aparmasına göstəriş verəsiniz.
Redaksiyadan: Yazıda adları çəkilən şəxslərin də mövqeyini dərc etməyə hazırıq.

Elçin İsmayıllı.