Seçicilər səsvermə günü bülletenlərdə ona səs vermək yerinə replika yazacaqlarını bəyan edirlər.

72 saylı Yardımlı-Masallı seçki dairəsindən deputatlığa namizəd M.Qasımlı Yardımlının bir neçə kəndində boykotla üz-üzə qalıb.
Sabir Rüstəmxanlının əvəzinə 72 saylı dairədən deputatlığa namizəd olan Musa Qasımlıya qarşı qara piar başladılıb. Azerinfo.org yazıb ki, Yardımlının Hamarkənd, Honuba, Telavar, Horavar kəndlərində Musa Qasımlıya qarşı ciddi anti-təbliğat gedir.
Mənbə iddia edir ki, bu kampaniyanı heç kim təşkil etməyib. Sadəcə, yarıdımlılılar Sabir Rüstəmxanlının yerinə heç bir zaman Yardımlıda olmayan və bu bölgəyə bağlı olmayan Musa Qasımlının namizəd olmasını istəmirlər.
Onun namizədliyi rayon sakinlərini, xüsusən də Sabir Rüstəmxanlının doğma kəndinin sakinlərin qəzəbləndirib. Son günlər isə Urakəran, Osnakəran, Qaraqaya, Perinbel, Anzov kəndlərində də Musa Qasımlıya qarşı təbliğat güclənməkdədir.