MUSİQİ DUYUMUNUN OLMASI HƏLƏ İNSANIN HUMANİSTLİYİNDƏN XƏBƏR VERMİR

Prezidentlərin iştirakı ilə açılış mərasimi keçirilir - FOTOLAR - YENİLƏNİB

Lukaşenkodan Şuşada traktor hədiyyəsi - FOTOLAR

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

MUSİQİ DUYUMUNUN OLMASI HƏLƏ İNSANIN HUMANİSTLİYİNDƏN XƏBƏR VERMİR

Gundem / Sosial

Oxunub: 1 142

5 apr 2017 | 17:40

Bakı şəhər Mədəniyyət və Turizm İdarəsinin Səid Rüstəmov adına 13 saylı uşaq musiqi məktəbinin direktoru Tofiq Salmanovun yarıtmaz idarəçiliyi barədə kütləvi informasiya vasitələrində indiyədək çoxlu sayda tənqidi fikirlər yer alsa da, rəhbərlik onun barəsində hələ də ciddi tədbir görməmişdir. Onun 2014-cü ilin sonunda direktor sözügedən məktəbə direktor vəzifəsinə təyin olunandan sonra onunla keçmiş işçisi Könül Fərəcova arasında yaşanan qarşıdurma barədə yazılanlar hələ də internet resurslarında durur.
Xatırladaq ki, K. Fərəcova 2010-cu ildə məhz nazir Ə. Qarayevə müraciəti nəzərə alınaraq musiqi məktəbinə işə düzəlibmiş. Xəstə olduğundan bir dəfə Tofiq müəllimin tapşırığını yerinə yetirə, Filarmoniyaya konsertə gedə bilməyib. Səhhətinin buna imkan vermədiyini qabaqcadan deyib. Direktor da hirslənib: "İki yerdə 25 saylı məktəbdə işləyirsən, ərizəni yaz, çıx. Çıxmasan, səni tutduraram, həbsxanada doğarsan". Könül müəllimə bu hədədən qorxub, 2014-ün dekabrında ərizə yazıb işdən çıxıb. Sonra məhkəməyə müraciət edib. Prosesin əvvəlində rəhbərlik onu dilə tutaraq şikayəti geri götürdüb. Vəd olunub ki, yanvardan işə bərpa olunacaq. T. Salmanov onu təzə ildən işə bərpa edib, amma dərs saatını azaldıb. Bunu işə əvəzedici kimi işə götürməsi ilə əlaqələndirib. Təzə müqaviləsi iyunda başa çatanda K. Fərəcova direktoru xəbər edib ki, yeni dərs ilindən işə gələcək. Martın 13-də analıq məzuniyyətinə çıxıb. Sentyabrda Tofiq müəllim onu məktəbə buraxmayıb. Səbəbini soruşanda isə deyib ki, "Nazirliyin Əsasnaməsinə görə əvəzediciyə ehtiyac olduqda işə götürülə bilər, hələ ki, belə ehtiyac yoxdur". Buna baxmayaraq, yeni tədris ilindən başqa bir müəllimi əvəzedicilik işinə götürüb. Sonradan açıqlama verən Tofiq deyob ki guya Fərəcova öz ərizəsi ilə çıxıb.
Tofiq müəllim tarda ifa etməyi yaxşı bacarır. Amma musiqi duyumunun olması əsla onun xasiyyətinə humanist cizgilər əlavə etməyib ki, qadın həmkarının çörəyinə dəyib. Bildirilir ki, T. Salmanov xarici ölkələrə tez-tez şəxsi xarakterli qastrollara getsə də, bu səfərlərinin izi sənədlərdə görünmür. Məlumat dolaşır ki, Salmanovun direktorluq etdiyi məktəbin ştat cədvəlində "ölü canlar" var, real dərs deyən müəllimlərin məvacibindən də hər ay pul saxlanılır. Fikrimizcə, Hesablama Palatası, Maliyyə Nazirliyinin Maliyyə Nəzarəti Xidməti, Dövlət Əmək Müfəttişliyi iş planlarında növbənin çatmasını gözləmədən Salmanovun fəaliyyətini təftiş etməli, onun rəvac verdiyi korrupsiya hallarını müəyyən etməli, qol qoyduğu maliyyə pozuntularını aşkarlamalıdırlar.