Milyoner olmaq istəyən 24 saylı «JEK»in müdiri icra başçısına «torba tikir»

Prezidentlərin iştirakı ilə açılış mərasimi keçirilir - FOTOLAR - YENİLƏNİB

Lukaşenkodan Şuşada traktor hədiyyəsi - FOTOLAR

Güllələnən icra başçısının qızına da Şuşada ev verildi - FOTO

Prezident İlham Əliyev Qarabağda möhtəşəm tunelin açılışını etdi: qürurverici GÖRÜNTÜLƏR

Prezident İlham Əliyev Əhmədbəyli-Füzuli-Şuşa avtomobil yolunda görülən işlərlə tanış olub

Prezidentdən Heydər Əliyevlə bağlı paylaşım

Ümummilli Lider Heydər Əliyevin anadan olmasının 101-ci ildönümüdür

İlham Əliyev və Mehriban Əliyeva Həzi Aslanovun məzarını ziyarət ediblər

Milyoner olmaq istəyən 24 saylı «JEK»in müdiri icra başçısına «torba tikir» - FOTOFAKT

Gundem

Oxunub: 1 189

10 okt 2016 | 21:27

Milyoner olmaq istəyən 24 saylı «JEK»in müdiri icra başçısına «torba tikir» - FOTOFAKT

Yığdığı «şapka»ların Yasamal rayon İcra Hakimiyyəti başçısına çatdırılacağını deyən Zaur Nəsirov başçının adını ləkələməklə məşğuldur

Ötən yazılarımızda Yasamal rayonunda anunsuz tikililərin inşasının sürətlənməsi və bu cür qanun pozuntularının kütləviləşməsində Yasamal rayon Mənzil Kommunal Təsərrüfatı Birliyinin nəzdindəki yerli Mənzil İstismarı Sahələrinin (MİS) və Mənzil Kommunal İstismarı Sahələrinin rolun da artmaqdadır. Ötən yazılarımızda 24 saylı MKİS-in rəisi Nəsirov Zaur Arif oğlunun şəxsi büdcəsini zənginləşdirmək üçün dövlət bdücəsindən ayrılan, yaxud həmin büdcəyə ödəniləcək külli miqdarda dövlət vəsaitini mənimsəməsi, «Birinci Alatava» deyilən ərazidə qeyri-qanuni tikililərdən bəzilərinin inşasının başa çatması, digərlərinin inşasının davam etdirilməsi və yenilərinin inşasına başlanılması üçün danışıqların getməsi barədə ətraflı məlumat vermişik.

Apardığımız araşdırmalara görə, bir müddət əvvəl 24 saylı MKİS-ə rəis seçilmək üçün kimlərəsə 30 min manat rüşvət verən Zaur Nəsirov həmin pulun əvəzini çıxmaq və əlavə qazanc əldə etmək üçün bütün qanunsuz əməlləri həyata keçirir. Həmin qanun pozuntularından biri də məhz qeyri-qanuni tikintilərin inşasıdır. Ötən yazılarımızdan birində bildirmişdik ki, qanunsuz tikilinin inşası üçün bir vətəndaşdan 5 min manat alan Zaur Nəsirov digər vətəndaşlardan 3-5 min manat rüşvət alaraq qanunsuz tikililərin inşasına icazə verib.

Artıq «Birinci Alatava»da bir neçə qanunsuz tikilinin inşası yekunlaşıb. Hazırda 3-4 qanunsuz tikilinin inşası davam etdirilir. Ən maraqlısı da budur ki, Zaur Nəsirov vətəndaşlara deyib ki, qanunsuz tikililərin inşası üçün alınacaq «şapka» Yasamal rayon İcra Hakimiyyətinin başçısına çatacaq. Ona görə də hər kəs arxayın öz işini görə biləcək və bütün qanunsuz tikililər sənədləşdiriləcək. 24 saylı MKİS-in Mikayıl adlı mühəndisi Zaur Nəsirovun «sağ əli» və «pulyığanı» kimi tanınır.

Bəzi qanunsuz tikililərin inşasının səbəbkarı da məhz Mikayıldır. Çünki o, «JEK» müdirinin adından vətəndaşlarla danışıqlar aparır və «şapka»ların yığılmasında yaxından iştirak edir. Araşdırma nətitcəsində öyrənmişik ki, Mikayıl Elnurə adlı bir xanımdan 7 min manat alıb və bu pulun icra başçısına çatacağını bildirib. Amma əslində Yasamal Rayon İcra Hakimiyyətinin həmin pullardan və qanunsuz tikililərin inşasından xəbəri yoxdur. Mikayıl isə redaksiyamızın əməkdaşı ilə görüşündə bildirib ki, yuxarıdan tapşırıq gəlib bizdə həmin tikintiyə göz yumuşuq. Bunun heçdə inandırıcı olmaması sir deyildir ki, deyilən sözləri isə yuxarı dediyi dairələr inkar etməkdədir.

Bunu saytımıza açıqlamasında Yasamal rayon İcra Hakimiyyəti başçısının müavini Səməd müəllim də etiraf edib. Ancaq «Burda mənəm, Bağdadda kor xəlifə» məsələni əlində şüar tutan Zaur Nəsirov «MKİS mənimdir, özüm bilərəm” siyasəti yürüdür. Bununla da dövlət siyasətinə zidd fəaliyyətlə məşğul olan «JEK» müdiri həmçinin 10 minlərlə, 100 minlərlə manat məbləğində dövlət büdcəsinə ziyan vurmaqla şəxsi büdcəsini zənginləşdirməyə çalışır. Artıq buna nail olan Zaur Nəsirov Azərbaycanın milyonerləri siyahısına daxil olmaq arzusunu gerçəkləşdirmək üçün bütün qanunsuz əməllərini davam etdirməkdədir.

Araşdırmalarımız davam edir.

BakuNews.Az
M.K.Seyidoğlu
Milyoner olmaq istəyən 24 saylı «JEK»in müdiri icra başçısına «torba tikir» - FOTOFAKT