“DSK-3”-ün rəhbəri məcburi köçkün ailəsinə qənim kəsilib

Prezident onları təltif etdi - FOTO

Ermənistanda hərbi qiyam və çevriliş ssenarisi önə çıxır: Qarabağ klanı ordunu İrəvanın "işğal"ına çağırır

Əliyev - Putin görüşməsinə dair yeni və heyrətamiz görüntülər - Rusiya mediası İNDİ YAYDI - VİDEO

Entoni Blinken Prezident İlham Əliyevə zəng edib

Bakı “soyuq müharibə”dən çəkinmir: Azərbaycanı hədəf alan dövlətlərə sərt xəbərdarlıq edilib

Prezident İlham Əliyevin Almaniyaya işgüzar səfəri başa çatıb - FOTO

İlham Əliyev və Olaf Şolts mətbuat konfransı keçirirlər

Azərbaycan və Almaniya liderlərinin təkbətək görüşü başa çatıb - YENİLƏNİB

“DSK-3”-ün rəhbəri məcburi köçkün ailəsinə qənim kəsilib

Gundem / Bolge

Oxunub: 1 176

16 sen 2016 | 14:38

“DSK-3”-ün rəhbəri məcburi köçkün ailəsinə qənim kəsilib

Dağlıq Qarabağ müharibəsinin əmələ gətirdiyi fəsadlar təkcə torpaq itkisi ilə deyil, həm də ötən illər ərzində çoxsaylı sosial problemlərin də əmələ gəlməsinə səbəb oldu. Belə ki, 1992-1993-cü illərdə istər DQ-a aid ərazilərin, istərsə də ətraf ərazilərin qəsbkar ermənilər tərəfindən ələ keçirilməsi, həmin ərazilərdə yaşayan sakinlərin müxtəlif ünvanlarda məskunlaşmaları ilə nəticələndi. Bu sırada Ağdam rayon sakinləri də, oxşar müsibətləri yaşayanlardan biri oldu.

Bir-iki gün bundan öncə əslən Ağdam rayonundan olan məcburi köçkün Hacıyev Natiq Siyavuş oğlu redaksiyamıza ünvanladığı şikayət ərizəsində yazır ki, “biz 2001-ci ildən ailəlikcə Binəqədi rayonu Cəfər Xəndan küçəsi-5056 ünvanında məskunlaşmışıq. Atam Qarabağ müharibəsi əlili olub və bir müddət bundan əvvəl də dünyasını dəyişib. Qardaşım isə, baş verən faciə nəticəsində iki azyaşlı övladı ilə yanıb yaşadığı evdə dünyasını dəyişdi.

Hal-hazırda məskunlaşdığımız ərazidə bir neçə Evtikmə kombinatı yerləşir ki, onlardan biri də “DSK-3”-dür. Ailəmiz bu günədək müxtəlif faciələrlə üz-üzə qalsa da, yeni bir faciə isə, hal-hazırda adı çəkilən kombinata rəhbərlik edən Arif müəllim tərəfindən gətirilməkdədir. Məhz, bunu ona görə belə bir formada vurğulayıram ki, ölkə rəhbəri cənab İlham Əliyev məcburi köçkün həyatı yaşayanların sosial durumlarının yaxşılaşdırılması üçün, daim hər bir vəzifə sahibinə lazımi tapşırıqlarını verir. Bir sözlə, möhtərəm Prezidentimiz məcburi köçkünlərdən diqqət və qayğısını əsirgəmir. Ölkə rəhbəri tərəfindən belə bir yanaşmanın ortaya qoyulmasına baxmayaraq, hal-hazırda həmin Arif müəllim bizim ailəyə qənim kəsilməkdədir. Belə ki, o, bir-iki gün bundan əvvəl mən evdə olmadığım zaman, yaşadığımız evin qarşısında toyuqlar üçün tikdirdiyim hini darmadağın etdirmiş və həyata keçirilən dağıntı zamanı bir neçə toyuğum da dağıntılar altında qalaraq məhv edilmişdir. Onun addımları təkcə bunula yekunlaşmır, o, həm də bizim ailəyə qarşı aqressiv yanaşmasını da ortaya qoyur. Amma, atam sağ ikən Arif müəllim nə bizə bir söz deyərdi, nə də ki, hansısa formada problemimiz əmələ gələrdi. Görünür o, mənim cavan və imkansız olmağımı, eyni zamanda atasız qalmağımı görüb bu cür iyrənc addımlarnı atmaqda davam edir”.

Bəli, bu bir məcburi köçkün ailəsi üzvünün yaşadığı faciənin görünən tərəfidir. İnanırıq ki, aidiyyəti qurumlar yaşanan problemə müdaxilə edib Arif müəllimin fitnəkar addımlarının qarşını almaq üçün təcili addımlarını atacaqlar. Yoxsa, Arif müəllimin “arif addımları” məcburi köçkün ailəsini olmazın müsibətlərə düçar edəcək.

Mövzu diqqətimizdədir.