Ukrayna Silahlı Qüvvələrinin Baş Qərargahı cəbhədə 25 aprel 06:00-dək olan vəziyyəti açıqlayıb.

Məlumatda deyilir:

"Düşmən müttəfiq qüvvələri darmadağın etmək, Donetsk və Luqansk vilayətləri ərazisinə tam nəzarəti bərqərar etmək, qeyd olunan ərazilərlə işğal olunmuş Krım arasında quru yolunu təmin etmək məqsədilə Şərqi Əməliyyat Zonasında hücum əməliyyatları aparır.
Ukrayna dövlət sərhədinin Ukrayna-Belarus və Ukrayna-Rusiya hissələrini mühafizə edən düşmən bölmələrinin mövqeyində və fəaliyyətində ciddi dəyişiklik aşkar edilməyib.
Slobozhanski istiqamətində rus işğalçıları Xarkov, Karasivka, Prudyanka və Kororboçkino yaşayış məntəqələrini artilleriya və reaktiv yaylım atəşi sistemlərindən atəşə tutmağa davam edir.

Donetsk və Tavriya istiqamətlərində düşmən Ukrayna Silahlı Qüvvələrinin mövqelərini artilleriyadan atəşə tutub. Mariupol şəhərində düşmən “Azovstal” zavodunun ərazisindəki qoşunlarımızın mövqelərinə raket-bombalı zərbələr endirib. Popasna kəndinə hücum əməliyyatları aparır.

Cənub Buq istiqamətində düşmən Knyazivka və Nikolayevka yaşayış məntəqələri ərazilərində qoşunlarımızın mövqelərini atəşə tutub.

Ukraynanın müdafiə qüvvələri düşmənə ağır itkilər verir. Təkcə Donetsk və Luqansk vilayətlərində son 24 saat ərzində düşmənin yeddi hücumu dəf edilib, on üç tank, üç artilleriya sistemi, on yeddi zirehli texnika, dörd zirehli döyüş maşını və on səkkiz maşın və dörd tanker məhv edilib. Ərazidə hava hücumundan müdafiə bölmələri tərəfindən 3 ədəd Orlan-10 pilotsuz uçuş aparatı vurulub" - məlumatda qeyd edilib.